Ministri i Bujqësisë, Memli Krasniqi, sot nuk e pati ditën e tij më të mirë. Të shumta ishin kritikat që për të sot patën anëtarët e Komisionit për Bujqësi, Pylltari, Mjedis e Planifikim Hapësinor.
Adem Salihaj, anëtar i komisionit nga radhët e LDK-së, tha se Ministria e Bujqësisë nuk ka arritur ta përmbush planin legjislativ të hartimit të projektligjeve as për dhjetë për qind, dhe kjo është mjaftë shqetësuese.
“Ne e dimë të gjithë që gjendjen në bujqësi nuk e kemi aq të mirë. E dimë që nuk kemi sa duhet as grande as subvencione. Megjithatë një menaxhim shumë më i mirë edhe në aspektin ligjor, do të ndihmonte shumë në zhvillimin e bujqësisë“, tha Salihaj.
Edhe anëtari tjetër i komisionit, Salih Salihu, nga Vetëvendosje, tha se gjendja në Bujqësi kurrë nuk ka qenë më e rendë se sa tani. Ai tha se Qeveria nuk është e interesuar që këto ligje të kalojnë më shpejtë, të cilat do të ndikonin direkt në përmirësimin e mirëqenies së qytetarëve të Kosovës.
“Me e keqja zoti ministër, ju nuk keni arritur me pru në Kuvend ‘Strategjinë kombëtare për Zhvillimin e Bujqësisë’ 2014-2020. Që katër vite e keni bërë dhe nuk arrini me qit në Kuvend me e miratua. Kjo tregon se sa seriozisht e keni marrë zhvillimin e bujqësisë në Kosovë. Unë iu them me përgjegjësi të plotë, se bujqësia kurrë nuk ka qenë në gjendje më të rëndë se sa është tash”, tha Salihu.
Nga ana tjetër, ministri Memli Krasniqi u tha anëtarëve të Komisioni se Bujqësia në Kosovë kurrë nuk ka qenë më mirë. I Pari i Bujqësisë në Kosovë i ka quajtur jo shumë korrekte kritikat e deputetëve, duke u thënë se jo për gjithçka përgjegjëse është ministria.
“z. Salihu shumica e temave që i ngrite janë komplet jashtë kompetencave të ministrisë dhe jam i sigurt se ju e dini. Këto shqetësime janë të drejta, por është jo krejt korrekte me gjuajt përgjegjësinë në ministrinë e Bujqësisë, për çështje që ndërlidhen ekskluzivisht me fushat e përgjegjësive tjera. Ne s’kemi përgjegjësi për import. Ne nuk mundemi me e kontrollua importin. Ne nuk mundemi në kuptimin legal me vendos rregull e kontroll, sepse nuk e kemi ministrinë e Tregtisë as AVUK-un as inspektorët fitosanitar… Ne mund te kemi konstatime qoftë politike apo profesionale, apo të percepcioneve, të cilat mund t’i kemi bazuar në informacione të caktuara, por dhe në mungesë të tyre, por bujqësia asnjëherë nuk ka qenë më mirë, së paku po flasim për vitet e pasluftës”, tha ministri Krasniqi.
Ndryshe, ministri i Bujqësisë, Memli Krasniqi, gjatë raportimit para Komisionit tha se në vitin e kaluar nuk kanë arritur ta realizojnë planin për disa arsye që ndërlidhen kryesisht me legjislacionin. E dy ligje që vazhdojnë të jene prioritet, sipas tij, janë Projektligji për ushqimin dhe Projektligji për Pyjet. Krasniqi tha se sa i përket inspektimeve duhet të bëhet kthimi nga niveli lokal në qendror, si dhe Agjencia e Veterinës dhe Ushqimit të kthehet në mbikëqyrjen e drejtpërdrejtë të Ministrisë së Bujqësisë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Nxitoni, vetëm edhe 4 vende të lira në kursin intensiv për kamerë “From Zero to Hero”
Përfaqësuesit e BQK-së takojnë zëvendësndihmës sekretarin amerikan të Thesarit, diskutohet thellimi i bashkëpunimit dhe fushat me interes
Po, po 31 vetura Dacia Logan shpërblim për konsumatorët nga ETC
Shije italiane në zemër të Prishtinës - Vapiano hapet së shpejti
50 brende botërore dhe 60 kuzhinierë pjesë e panairit Horeca - Frigo Deluxe
Produkte natyrale, vegane dhe organike për kujdesin e lëkurës - My Skin Project
Nxitoni, vetëm edhe 4 vende të lira në kursin intensiv për kamerë “From Zero to Hero”
Kush përfiton nga ulja e çmimit të energjisë elektrike?
Përkushtimi ndaj pacientëve - historia e suksesit të KosovaMed në kujdesin paliativ sipas modelit gjerman
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin