Kinezët nxjerrin “akullin e djegshëm” nga shtrati i detit: A jemi në prag të revolucionit energjetik? (Video)

Minatorët kinezë ia dolën të nxjerrin “akullin e djegshëm” nga shtrati i Detit të Kinës, thonë nga Ministria kineze e Tokës dhe Burimeve Natyrore. Megjithatë, nëse këto pretendime dalin të vërteta, në prag është një revolucion global në sektorin e energjisë, transmeton Telegrafi.

“Akulli i djegshëm” në fakt është hidrat i metanit, i ngurtë, ku ka sasi të madhe të gazit metanik të bllokuar në strukturën e ujit kristalor – akullit. Ato mund të ekzistojnë në temperatura shumë të ulëta dhe në presion shumë të lartë. Sipas Agjencisë Amerikane për informacion për Energjinë, një metër kub akull i djegshëm është i barabartë me 164 metra kub të gazit natyror.

“Duket si kristal akulli, por nëse e rrisni në nivel molekular, mund të shihni se molekulat e metanit janë bllokuar në molekulat e ujit,” shpjegoi për BBC, profesori Praveen Ling nga Departamenti i Inxhinierisë Kimike dhe Biomolekulare në Universitetin Kombëtar të Singaporit.

Pavarësisht nga temperaturat e ulëta, hidratet janë të ndezshme, sepse gazi i bllokuar në akull digjet kur është afër flakës.

Ky zbulim është suksesi i parë kinez në këtë drejtim pas 20 vitesh hetimesh. Lokacioni thuhet se është në rajonin Shenhu, në jug të Detit të Kinës, nga ku thuhet se minatorët po nxjerrin – në ditë – 16 mijë kub të gazit të pastërtisë së lartë.

“Hidrati i gazit natyror është zëvendësimi më i mirë për gazin natyror dhe naftës. Për më tepër, ‘akulli i djegshëm’ është më i sigurt për mjedisin dhe ekziston në sasi të mëdha”, thotë kreu i Departamentit për Hulumtime Gjeologjike, Zhong Ziran. /Telegrafi/