Zëvendëskryeministri i Republikës së Kosovës, Ramiz Kelmendi vizitoi të martën komunën e Vitisë, ku u prit nga kryetari Sokol Haliti me bashkëpunëtorë.
Pas takimit zëvendës kryeministri Kelmendi theksoi se është njoftuar për së afërmi për çështje zhvillimore të komunës së Vitisë, dhe për të parë se çka mundet Qeveria e Kosovës me bërë më tutje në funksion të zhvillimit ekonomik të këtij qyteti, në zhvillimin e bujqësisë dhe në zhvillimin e të gjitha sferave tjera.
Sipas tij, qëllimi kryesor i Qeverisë është që gjithmonë të gjithë investitorët e huaj t’i trajtoi në kuadër të ligjit dhe të mbështeten dhe nuk ka pasur as një investitorë që ka ikur në qeverisjen Mustafa.
“U njoftova për së afërmi për çështje zhvillimore të komunës, siç shihet kjo komunë është në duar të sigurta për arsye se kryetari me përkushtim po i kryen punët, por është biseduar po ashtu se çka mundet Qeveria e Kosovës të bëjë më tutje në funksion të zhvillimit ekonomik të këtij qyteti, në zhvillimin e bujqësisë dhe në zhvillimin e të gjitha sferave tjera”, theksoi Kelmandi.
Sipas tij, Komuna e Vitisë ka një hapësire jashtëzakonisht të përshtatshme për investime në bujqësi, ku Qeveria e Kosovës me politikat e saj për grante dhe subvencione, ka menduar që për vitin 2018 të ndryshohet kjo mënyrë, pasi tashmë nevojitet që fermerët në bujqësi të jenë biznesmenë afaristë.
Kelmendi ka theksuar se për bujqit dhënia e kredive duhet me qenë me kushte të volitshme apo fare pa kamatë, e cila ndikon në prodhimin dhe produktivitetin bujqësor, e cila i nevojitet Kosovës.
Për më tepër, ai theksoi se qeveria po krijon ambient të favorshëm që bizneset të ecin përpara. Ai ka folur edhe për Pakon Fiskale 2, e cila ka me qenë, sipas tij, një pako që biznesin kosovar për herë të parë pas luftës e barazon me bizneset e shteteve të regjionit.
“Kosova është në rrugë të mirë, gjendja është duke ndryshuar dita-ditës. Liberalizimi dhe mos përzierja e Qeverisë në punët e bizneseve po ndikon që bizneset të ecin përpara. Ne jemi duke punuar jashtëzakonisht shumë në fushën e legjislacionit, të cilin e kemi kuptuar që 17 vjet në të kaluarën ka qenë pengesë serioze e zhvillimit ekonomik dhe pakoja fiskale 1 që është bërë ka krijuar ambient të jashtëzakonshëm për prodhimtari, por edhe Pakoja Fiskale 2 që është në përgatitje e sipër që shpresoj që do të kalojë shpejt do të jetë një rilindje për biznesin prodhues në veçanti. Është duke u bërë shumë edhe procesin bujqësor. Pra, praktikisht Qeveria Mustafa është duke kryer rolin e vet qeveritar që bizneset të jenë në punën e vet të pa penguar dhe të mbështetur në idetë e tyre”, theksoi Kelmendi.
I pyetur nga mediat për investimet e huaja, zëvendëskryeministri theksoi se me qeverisjen aktuale investitorët e huaj nuk po trajtohen keq sikur më parë, sepse asnjë investitor në këtë periudhë nuk është larguar nga Kosova.
“Me ardhjen e Qeverisë Mustafa ne nuk kemi as një investitor që është kthyer për arsye që nuk është shërbyer si duhet dhe ne kemi një ambient të jashtëzakonshëm për të gjithë investitorët, por qëllimi kryesor është gjithmonë që të gjithë investitorët t’i trajtojmë në kuadër të ligjit dhe t’i mbështesim për arsye se 85 për qind të zhvillimit të Kosovës e bëjnë investitorët e brendshëm ndërsa 15 për qind e bëjnë investitorët e jashtëm, por praktikisht nga e kaluara del që investitorët e jashtëm nuk qenë të mirëpritur dhe kjo po ndikon ende që ata të hezitojnë me ardhur me investuar që për ne janë shumë të domosdoshme”, theksoi Kelmendi.
Ndërsa, kryetari i komunës së Vitisë, Sokol Haliti theksoi se kanë biseduar me zëvendëskryeministrin për zhvillimin ekonomik, pushtetin lokal, sukseset e komunës së Vitisë, rezultatet, por edhe vështirësitë dhe sfidat.
Sipas tij, zona ekonomike ishte njëra prej temave të padiskutueshme deri më tash. Ai tha se Vitia është certifikuar për zonën ekonomike në magjistralen Ferizaj-Gjilan, ku ajo zonë i përket komunës së Vitisë.
“Natyrisht, temat e bisedës ishin për zhvillimin ekonomik, pushtetin lokal, sukseset e komunës së Vitisë, rezultatet, por edhe vështirësitë dhe sfidat. Zona ekonomike ishte njëra praj temave të padiskutueshme, ne vetëm jemi certifikuar për zonën ekonomike në magjistralen Ferizaj-Gjilan, ku ajo zonë i përket komunës së Vitisë, mirëpo tregu rajonal do të jetë aty dhe afaristët rajonal. Natyrisht, biseduam edhe për ambientin e biznesit që komuna e Vitisë ka bërë performancë mjaft të mirë për krijimin e një ambienti biznesor, edhe pse është komunë e mesme e Kosovës. Po ashtu, u diskutua edhe tema për potencialin kryesor ekonomik që është bujqësia dhe mundësitë e shfrytëzimit të këtyre potencialeve”, tha kryetari Haliti.
Zëvendëskryeministri Kelmendi, i shoqëruar nga kryetari i Komunës, vizitoi Zyrën për Investime dhe Mbështetje të Bizneseve, ku u njoftua nga afër me punën dhe aktivitetet e saj. Po ashtu, Kelmendi vizitoi edhe Fabrikën e prodhimeve metalike “Vinex”.
Lufta Prigozhin - Putin
Më shumëNga 26 Qershori, PrishtinaTicket shton dhe një destinacion të ri!
Të hyra mbi 500 milionë euro, Dogana shënon rekord të ri
Edhe një ditë ka mbetur nga Panairi më i madh në Kosovë “Horeca”
Murati: 300 milionë euro është vlera e marrëveshjeve ndërkombëtare që po presin ratifikimin në Kuvend
Shijo detin e krejt stinëve në “Holiday In 2”
Saktësi, efikasitet dhe rehati - Ultratingulli revolucionar SonoMax 9
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën