Në Kosovën Lindore po vazhdon të mbizotërojë situatë e rëndë për banorët shqiptarë, të cilët diskriminohen nga shteti serb. Në Medvegjë, pothuajse është realizuar spastrimi etnik, kurse, në Bujanoc mund të rrezikohet bërthama kombëtare shqiptare.
Banorët e Luginës përballen me vështirësi në arsim dhe zhvillim të ekonomisë, derisa të rinjtë lëshojnë vendin për shkak se nuk mund të gjejnë punë. Në krejt këtë situatë nuk mjaftojnë vetëm përkrahja deklarative por nevojitet projekt i veçantë nga autoritetet në Kosovës dhe Shqipëri.
Kështu theksoi në një intervistë për KosovaPress, kryetari i komunës së Bujanocit, Shaip Kamberi, i cili tha se problemet e shkaktuara në aspektin ekonomik dhe problemet e shumta në sferën e arsimit janë ato që e rëndojnë situatën, duke shkaktuar largimin, sidomos të kuadrove të reja drejt vendeve të BE-së.
Ai ka kritikuar autoritetet e Kosovës dhe të Shqipërisë që nuk po i qasen në mënyrë efikase dhe pragmatike Luginës.
Sipas kryetarit Kamberi nuk mjafton vetëm përkrahja deklarative, por nevojitet projekt i veçantë.
“Në tërësi mund të themi se shqiptarët e Luginës së Preshevës vazhdojnë të mbeten një popullatë e diskriminuar, një popullatë e cila nuk e ka përkujdesjen e Beogradit zyrtar ndaj nesh, nuk respektohen standardet, mos të flasim ato të BE-së, ku pretendon Serbia të jetë pjesë, por nuk respektohen as standardet e brendshme. Mjerisht nuk kemi një qasje më pragmatike, një qasje më efikase, as të autoriteteve të Kosovës e as të Shqipërisë. Mendoj se jemi në kohën që nuk mjafton vetëm përkrahja deklarative. Andaj, nevojitet një program i veçantë qoftë i Qeverisë së Prishtinës dhe asaj të Tiranës që me projektet të caktuara ta ndihmojnë Luginën e Preshevës. Ne kemi situatën në Medvegjë gati se është realizuar një spastrim etnik, ndërkohë që në Bujanoc balancat etnike janë pak më të përafërta që mund të rrezikohet bërthama kombëtare shqiptare”, theksoi ai.
Kamberi theksoi se largimi i rinisë e bënë që Lugina e Preshevës të mos ketë perspektivë. Sipas tij, në tërësisë proceset në të cilat gjendet Ballkani Perëndimor është me rëndësi vazhdimi i dialogut në Bruksel për njohjen e diplomave të të rinjve, të cilët i kanë përfunduar studimet në universitetet e Kosovës.
Kamberi ka përmendur edhe barrierat që po iu bëjnë autoritetet e Serbisë bizneseve të madha kosovare për të investuar në Luginë të Preshevës. Po ashtu, thotë se kur në proceset e privatizimit të ish ndërmarrjeve shtetërore paraqiten shqiptarët drejtpërdrejt refuzohen apo ndaj tyre udhëhiqet një fushatë e egër.
“Pengesat e shumta që ekzistojnë në bashkëpunim në mes bizneseve tona lokale dhe bizneseve të Kosovës dhe pamundësinë që bizneset e forta të Kosovës të investojnë atje për të krijuar një perspektive… Çështja kryesore është se Serbia refuzon që të sigurohet një participim adekuat të shqiptarëve në institucionet publike…. Është pamundësia e bizneseve të mëdha të Kosovës për barrierat, të cilat i kanë në raport me Serbinë. Ndryshe është situata këtu në Kosovë, sepse Kosova është më pragmatike dhe fleksibile në lejimin e bizneseve të Serbisë që të shtrihen në Kosovë, ndërkohë që atje( në Serbi) e kemi të kundërtën, të ndaluar. Shpesh herë kur proceset e privatizimit të ish ndërmarrjeve shtetërore kur paraqiten shqiptarët drejtpërdrejt refuzohen apo ndaj tyre udhëhiqet një fushatë negative”, theksoi Kamberi.
Ai ka veçuar se ka një situatë të brishtë të klimës biznesore në Luginë, edhe pse sipas tij, bizneset janë në rimëkëmbje.
“Bizneset e tona akoma janë në një situate të brishtë, ato kanë filluar të forcohen, ka disa prej tyre që janë të konsoliduara, megjithatë, atyre u nevojitet edhe treg dhe partneritet, duke pasur parasysh afërsinë tonë gjeografike dhe lidhjeve tona që i kemi me Kosovën. Andaj, ky partneritet është më i natyrshëm dhe më i suksesshëm dhe besojmë që të ndërtohet këtu me bizneset në Kosovë dhe pse jo edhe me ato në Shqipëri, në mënyrë që ato biznese që janë atje (në Luginë) të forcohen, të hapim edhe të reja, por që të kemi edhe prezencën e Kosovës në Luginë të Prishtinës”, theksoi kryetari i Bujanocit.
Ndër problemet tjera në këtë trevë është edhe shkalla e lartë e papunësisë. Komuna e Bujanocit ka diku rreth 5 mijë banorë të evidentuar për të kërkuar punë në Entin e Punësimit. Kryetari i Bujanocit tha se shkalla e papunësisë në Preshevë është edhe më e lartë./kp/Telegrafi/
Lufta Prigozhin - Putin
Më shumëNga Rubrika
Bajqinovci optimist se Kosova do të kalojë në Këshill të Ministrave të KiE, kritikon BE-në për mosndëshkim të Serbisë
Dëshmitari Qeriqi thotë se me Thaçin është takuar tri herë gjatë luftës, por nuk e dinte pozitën e tij
Ndalohen dy persona në Tetovë, ngjitnin materiale propaganduese gjatë heshtjes zgjedhore
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Joseph: Supriza e KS-së ishte se Kosova dhe Rusia u pajtuan për rëndësinë e fushatës ajrore të NATO-s, Putin e ka hedhur Serbinë nën autobus
UP-ja pezullon nga puna profesorin Xhevat Krasniqi që dyshohet për ngacmim seksual
Nënat e Srebrenicës falënderojnë presidenten Osmani: Një fjalim i tillë do të mbahet mend ndër breza
Haradinaj kërkon dorëheqjen e Qeverisë Kurti, pas publikimit të raportit nga DASH
Raporti i DASh-it, opozita e vlerëson shqetësues, pushteti mohon ndërhyrjet në sistem të drejtësisë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj