LAJMI I FUNDIT:

Kaliforni, shtohen zërat për shkëputje nga SHBA pas fitores së Trump

Kaliforni, shtohen zërat për shkëputje nga SHBA pas fitores së Trump

Për të dytën natë me radhë, mijëra protestues janë mbledhur nëpër qytete të ndryshme të shtetit të Kalifornisë, për të kundërshtuar idenë e një Amerike të udhëhequr nga Donald Trump, teksa disa prej studentëve thërrisnin në kor “Nuk është presidenti im”.

Në rrjetet sociale, “hashtag”-u #Calexit ka zënë një vend kryesor, duke i bërë kështu jehonë edhe vendimit të britanikëve për t’u larguar nga Bashkimi Europian. Në Sacramento, në një deklaratë të përbashkët nga udhëheqësit legjislativë shkruhej se “sonte jemi ngritur duke u ndierë si të huaj, në një tokë të huaj”.

Për një grup protestues, reagimet paszgjedhore kanë qenë elektrizuese. “Yes California”, një organizatë me 3.000 ose më shumë mbështetës, prej vitesh të tëra përpiqet të nxisë kalifornianët të konsiderojnë çështjen e shkëputjes nga SHBA.

“Tashmë kemi bërë bujë, me t’u zgjedhur Trumpi president”, tha Marcus Ruiz Evans, një zëdhënës i grupit.

California, gjithsesi nuk mundet thjesht të zgjedhë dhe të largohet. Edhe sikur shteti të dëshironte shkëputjen, një gjë e tillë do të kërkonte miratimin e 2/3-ave të të dyja dhomave të Kongresit, Dhomës së Përfaqësuesve dhe Senatit, në Uashington, sikurse edhe bekimin e 38 legjislaturave të shteteve të tjera…një hap thuajse i pamundur për t’u arritur sipas analistëve.

Megjithatë, Evans duket se kërkon ta shtyjë edhe më tej lëvizjen. Pasi Trump siguroi fitoren orët e vona të së martës, të paktën 3 investitorë teknologjikë sinjalizuan dëshirën për të financuar përpjekjet për shkëputje.

Shervin Pishevar, një bashkëthemelues i “Hyperloop One”, njoftoi në “Twitter” se do të mbështeste një “fushatë legjitime” për shkëputjen e Kalifornisë dhe bërjen e saj një shtet më vete.

Marc Hemeon, një tjetër sipërmarrës, iu përgjigj Pishevarit duke thënë se mund të mbështetej tek ai, diçka që bëri edhe Dave Morin, një themelues i rrjetit social “Path”.

Thirrjet për shkëputje nuk janë të reja në Kaliforni. Që prej themelimit të këtij shteti, në vitin 1850, ka pasur të paktën 200 propozime të tilla. Separatistët modernë thonë se kalifornianët janë distancuar shumë kulturalisht me pjesën tjetër të Amerikës. Madje, me një ekonomi më të fuqishme sesa Franca, ky shtet nuk ka nevojë për Amerikën.

Evans i “Yes California” tha se ndihma nga simpatizantë në Silicon Valley, aty ku ndienjat anti-Trump janë të thella, mund të ndihmojnë në përshpejtimin e objektivit të grupit të tij: referendumit!

Në trend Botë

Më shumë
I kishin vendosur për ukrainasit, e pësuan vetë – rusët hidhen në erë nga minat që bashkëluftëtarët e tyre i kishin montuar për ushtarët e Kievit

I kishin vendosur për ukrainasit, e pësuan vetë – rusët hidhen në erë nga minat që bashkëluftëtarët e tyre i kishin montuar për ushtarët e Kievit

Evropa
Ukrainasja bëhet simbol i rezistencës, pavarësisht se rusët ia bombarduan lokalin në Kiev – ajo vazhdon të shërbejë kafe

Ukrainasja bëhet simbol i rezistencës, pavarësisht se rusët ia bombarduan lokalin në Kiev – ajo vazhdon të shërbejë kafe

Evropa
Ukrainasit shkatërrojnë me dron kamikaz autoblindën e rrallë ruse, që për herë të parë u përdor në katastrofën bërthamore të Çernobilit

Ukrainasit shkatërrojnë me dron kamikaz autoblindën e rrallë ruse, që për herë të parë u përdor në katastrofën bërthamore të Çernobilit

Evropa
Xhakarta më nuk do të jetë kryeqyteti i Indonezisë

Xhakarta më nuk do të jetë kryeqyteti i Indonezisë

Azia
Scholz: Paqja në Ukrainë është e mundur në çdo moment, vetëm Putin le t’i tërheq trupat

Scholz: Paqja në Ukrainë është e mundur në çdo moment, vetëm Putin le t’i tërheq trupat

Evropa
Mbështetësit e PKK-së kurde sulmojnë punonjësit e aeroportit në Paris – tentuan të parandalojnë ekstradimin e anëtarit të PKK-së në Turqi

Mbështetësit e PKK-së kurde sulmojnë punonjësit e aeroportit në Paris – tentuan të parandalojnë ekstradimin e anëtarit të PKK-së në Turqi

Evropa
Kalo në kategori