0Shares

Ambasadorja e Shteteve të Bashkuara të Amerikës, Tracey Jacobson, e shoqëruar edhe nga atasheu ushtarak pranë ambasadës, James Kott dhe bashkëpunëtorë të tjerë, vizitoi të enjten kazermën “Ushtarët e NATO-s”, të Brigadës për Reagim të Shpejtë në Istog (BRSH).

Ambasadoren Jacobson e pritën komandanti i FSK-së, Kadri Kastrati dhe Nazmi Brahimaj, komandant i BRSH-së, të cilët i njoftuan mysafirët me zhvillimet e përgjithshme në FSK.

Ata vlerësuan lartë bashkëpunimin e mirë me ushtrinë e ShBA-së, sidomos ndihmën e madhe që po jep marrëveshja dypalëshe me Gardën Kombëtare të Iowas, si dhe për mundësitë e thellimit të këtij bashkëpunimi.

Shefi i Shtabit të BRSH-së, nënkolonel Jeton Dreshaj tha se në kuadër të BRSH-së është bërë ngritja e dy kompanive model, ndërkohë që ngritja dhe trajnimi i tyre është përkrahur nga SHBA-ja.

Sipas njoftimit të MSFK-së, qëllim i vizitës së ambasadores amerikane ishte që të shohë nga afër ngritjen, zhvillimin dhe nivelin e profesionalizmit të kompanisë model.

Komandanti i FSK-së, Kastrati vlerësoi lartë ndihmën dhe bashkëpunimin e mirë me Ushtrinë e SHBA-së dhe veçanërisht me Gardën Kombëtare të Iowas, si dhe vlerësoi lartë profesionalizmin e ushtarëve që treguan gjatë demonstrimit.

Ambasadorja Jacobson vlerësoi shkallën e përgatitjes dhe nivelin e trajnimeve që prezantoi kompania e BRSH-së, duke theksuar se është e kënaqur që kjo ndihmë dhe ky bashkëpunim me SHBA-në po japin rezultatet konkrete. /Telegrafi/

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)