LAJMI I FUNDIT:

Isaiah Thomas ndër më të mirët në qerekun e katërt të ndeshjeve

Isaiah Thomas ndër më të mirët në qerekun e katërt të ndeshjeve
-->

Plejmekeri i Boston Celtics, Isaiah Thomas, është një nga befasitë më të mira të gjysmës së sezonit 2016-2017 në NBA, dhe krejt kjo për shkak të performancave të tij në qerekun e katërt të ndeshjeve.

Ai është duke udhëhequr aktualisht me 10.1 pikë për ndeshje mesatarisht në qerekun e katërt, shifra këto që kanë ndihmuar atë që të konsiderohet si një nga titullarët për ekipin e Lindjes për ndeshjen All-Star të muajit të ardhshëm.

“Ai po luan mirë”, tha plejmekeri i Hornets, Kemba Walker, pas humbjes nga Bostoni.

“Ai po luan më mirë se asnjë tjetër në kampionatin tonë në qerekun e katërt. Ai po luan me vetëbesim tëmadh dhe po bën aksione me të cilat ekipit të tij po ia fiton ndeshjet. Ai është i mrekullueshëm”, shtoi Kemba, shkruan Telegrafi.

Teksa më nuk ekziston dyshimi për atë se ku qëndron Thomas këtë vit në NBA në qerekun e katërt, shtrohet pyetja si qëndron ai në raport me lojtarët tjerë në ekipin e tij dhe në histori të klubit të tij, sa i përket pikëve në qerekun e katërt? Një shikim i thjeshtë në statistika nxjerrë rezultate më të mira se sa që mund të paramendoni.

Thomas është aktualisht duke tejkaluar bindshëm lojtarin që e ka si kokurrent më serioz për mesataren e pikëve në qerekun e katërt, Paul Pierce. Pierce ka pasur mesataren prej 7.3 pikëve në qerekun e katërt të ndeshjeve gjatë sezonit 2002-2003.

Teksa totali i mestares së pikëve të Thomas po merr vëmendjen më të madhe, efektiviteti i tij në pjesën e fundit të ndeshjeve ka qenë po aq impresiv. Ai po gjuan me një saktësi prej 49 për qind nga loja e hapur në minutat e fundit të ndeshjeve me një përqindje sensacionale prej 45 për qind nga vija e 3-pikëshit.

Nëse krahasohet me Paul Pierce, ai gjuajti vetëm 41 për qind nga loja e hapur dhe 29 për qind nga perimetri në sezonin 2002-2003.

Thomas ka mesataren më të madhe të pikëve në qerekun e katërt se secili lojtar tjetër në NBA në 20 vitet e fundit!

Databaza e NBA ka statistika vetëm nga viti 1996-1997 sa i përket mesatares së pikëve për qerekun e katërt, por pas 41 ndeshjeve, Thomas është në rrugë të mirë që të tejkalojë emra si Kobe Bryant, Shaquille o’Neal dhe Kevin Durant, e emra të tjera eminent të kësaj gjenerate.

Konkurrenti më serioz që mund ta ndalojë Thomasin të hyjë në histori për mesataren e pikëve në qerekun e katërt gjatë një sezoni të plootë është Kobe Bryant (9.5 pikë mesatarisht në Q4) gjatë sezonit 2005-2006. Russell Westbrook është po ashtu fare pranë Isaiah Thomas me 9.6 pikë për ndeshje në qerekun e katërt në po këtë sezon.

Është pothuajse e pamundur që Isaiah Thomas ndonjëherë të thyejë rekordin e të gjitha kohërave në NBA për mesataren e pikëve në qerekun e katërt, sidomos nëse merret parasysh fakti se Wilt Chamberlain kishte mesatare prej 50.4 pikë për ndeshje 50 vjet më parë.

Sidoqoftë, lojtari shtatshkurtër mund të mbajë ritmin e tij që e ka aktualisht, dhe kjo mund të bëjë që ai të përfundojë si një prej realizuesve më të mirë në minutat e fundit e vendimtare të ndeshjeve në histori të NBA. /Telegrafi/

Në trend Sport

Më shumë
Dani Alves mund të lirohet nga burgu këtë javë

Dani Alves mund të lirohet nga burgu këtë javë

Ndërkombëtare
Si e transformoi Xavi sezonin e Barcelonës me një konferencë shtypi

Si e transformoi Xavi sezonin e Barcelonës me një konferencë shtypi

La Liga
Ancelotti ka vetëm një lojtar të paprekshëm në ekip – nuk është Vinicius as Bellingham

Ancelotti ka vetëm një lojtar të paprekshëm në ekip – nuk është Vinicius as Bellingham

La Liga
Lojtarët e Liverpoolit kanë gjetur zëvendësuesin e Kloppit, vjen përgjigja direkte nga trajneri

Lojtarët e Liverpoolit kanë gjetur zëvendësuesin e Kloppit, vjen përgjigja direkte nga trajneri

Premier League
Spalletti tregon arsyen pse e largoi nga lista e Italisë mbrojtësin Acerbi

Spalletti tregon arsyen pse e largoi nga lista e Italisë mbrojtësin Acerbi

Ndërkombëtare
Ancelotti paralajmëron Viniciusin pas polemikave: Tifozët e Osasunës ishin korrekt

Ancelotti paralajmëron Viniciusin pas polemikave: Tifozët e Osasunës ishin korrekt

La Liga
Kalo në kategori