0Shares

Pesë meshkuj, të dënuar me vdekje për kontrabandë të narkotikëve, janë varur në një burg në provincën jugore iraniane, Kerman.

Të dënuarit janë shpallur fajtorë për kontrabandë të mbi një ton opium. Përveç kësaj, ata kanë pasur me vete edhe armë, kumtuan autoritetet gjyqësore të provincës.

Sipas legjislaturës islame në Iran – Sheriatit, vrasjet, dhunimet, plaçkitjet e armatosura, kontrabanda me narkotikë dhe shkelja e kurorës dënohen me vdekje.

Në Iranin me popullatë 75 milionëshe, i cili është rrugë e rëndësishme për drogën për Evropë dhe Lindjen e Afërt nga Afganistani, janë regjistruar 400 mijë persona të varur nga heroina. /Telegrafi/

Të Ngjajshme
Shfaq Komentet (0)