0Shares

Zyrtarë policorë kanë njoftuar se të paktën 21 persona janë vrarë dhe më shumë se 40 të tjerë janë plagosur nga një sulm vetëvrasës në veri të Bagdadit, raporton AP.

Sipas raporteve të para thuhet se edhe katër persona kanë vdekur nga sulmi i së hënës në qytetin Taji, 20 kilometra në veri të kryeqytetit irakian.

Shpërthimi ka ndodhur kur sulmuesi vetëvrasës ka aktivizuar eksplozivin derisa njerëzit ishin mbledhur për t’i marrë pagat e tyre para stacionit policor.

Sulmi i së hënës vije një ditë pas sulmit në selinë e policisë së provincës së Kirkukut, ku u vranë 15 njerëz dhe u plagosën dhjetëra të tjerë.

Gjatë javëve të fundit në Irak është shtuar dhuna për shkak të tensioneve ndërmjet pakicës myslimane sunite dhe qeverisë së udhëhequr nga shiitët. /Telegrafi/

Të Ngjajshme
Shfaq Komentet (0)