LAJMI I FUNDIT:

Hezitim i pa arsyeshëm i Berishës për pasaportat

Hezitim i pa arsyeshëm i Berishës për pasaportat

Deklarimi i kryeministrit të Shqipërisë, Sali Berisha se aktualisht nuk mund të çojë përpara çështjen e dhënies së pasaportave shqiptare për qytetarët e Kosovës, nga deputeti i Lëvizjes për Bashkim (LB), Agim Kuleta vlerësohet si ‘kujdes i paarsyeshëm’, por jo tërheqje e plotë.

Deputeti Kuleta ka deklaruar se do të ishte mirë të Berisha të mos hezitonte dhe të çonte përpara premtimin e theksuar gjatë kremtimit të 100- vjetorit të pavarësisë së Shqipërisë.

Sipas Kuletës, procesi i liberalizimit të vizave për Kosovën në asnjë mënyrë nuk është pengesë për projektin e dhënies së pasaportave.

LB-ja është parti që ka në projekt bashkimin kombëtar të shqiptarëve. Kjo parti kishte nisur një fushatë të promovimit të kësaj ideje, duke shpërndarë simbolikisht pasaporta të Shqipërisë.

“Ky është më shumë një projekt politik për të dëshmuar se shqiptarët kanë nevojë të jenë të bashkuar. Dhënia e një pasaporte shqiptare nuk do të thotë automatikisht se qytetari merr vizë për të lëvizur nëpër vendet e Shengenit”, ka thënë Kuleta për Telegrafin.

Ai mendon se për shumë vende të Ballkanit, dhënia e dyshtetësisë është dëshmuar se nuk është problem për integrimet evropiane.

Në fund të vitit të kaluar, kryeministri Berisha pati proklamuar me bujë lajmin se Shqipëria do t’i jepte pasaportë çdo qytetari të Kosovës që do ta kërkonte.

Ka pasur komente se kjo ishte deklaratë euforike dhe një përpjekje e fshehur e Berishës për të fituar votues, për shkak se llogaritet se kosovarët janë përkrahës të Partisë Demokratike.

Por, deputeti i LB-së, Agim Kuleta mendon se edhe vetë Berisha kishte deklaruar se dhënia e pasaportave nuk do të bëhej para zgjedhjeve.

E ndërkohë, kjo mundësi për shqiptarët e Kosovës do të shtyhet edhe për një kohë. Berisha ka deklaruar se për momentin ka një problem ligjor me Kosovën dhe kjo masë nuk mund të adaptohet pa një marrëveshjeje të veçantë me Qeverinë e Kosovës, e cila negocion me Bashkimin Evropian procesin e liberalizimit të vizave. /Telegrafi/

Në trend Lajme

Më shumë
PDK voton kryesinë e re të partisë - pësojnë ndryshime në pozita disa prej figurave të njohura të kësaj partie

PDK voton kryesinë e re të partisë - pësojnë ndryshime në pozita disa prej figurave të njohura të kësaj partie

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës

Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës

Elfije Boletini
Bedri Hamza i emëruari i PDK-së për kryeministër – kush mund të jenë kandidatët tjerë të partive politike?

Bedri Hamza i emëruari i PDK-së për kryeministër – kush mund të jenë kandidatët tjerë të partive politike?

Jehona Hulaj
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori