Kryetari i Aleancës për Ardhmërinë e Kosovës (AAK), Ramush Haradinaj, duke folur për bisedimet politike që po zhvillohen në Bruksel, ka thënë se nuk ato nuk do të sjellin totalin e asaj që presim, por është shprehur se, të paktën nuk pret lajme të këqija. Zgjidhja për veriun, sipas tij, është zbutja e veriut, e cila sipas tij nënkupton krijimin e kushteve për mbajtjen e zgjedhjeve në veri dhe heqjen e strukturave paralele serbe atje.
Kreu i AAK-së, Ramush Haradinaj, sot gjatë një vizite në Podujevë, ka deklaruar se në zhvillimet e fundit politike në vend, me theks të veçantë në bisedimet politike që po zhvillohen, Republika e Kosovës duhet të ketë kujdes dhe të mos krijojë pengesa në këtë proces, por duhet të fokusohet që të krijoj kushte deri të, siç e quajti ai, zbutjen e veriut, duke ua mundësuar qytetarëve atje që përmes zgjedhjeve t’i nxjerrin liderët e tyre legjitim.
“Jam në komunikim me përfaqësuesit e Kosovës atje. Nuk po presim lajme të këqija, të mos hyjmë në detaje, por nuk po presim lajme të këqija. Qëllimi i Kosovës tash është që gjatë këtyre zhvillimeve të mos krijojë pengesa, ato që i kemi pasur në rrugë para nesh, por mundësisht me mbërri deri te zbutja e veriut. Zbutjen e shohim me zgjedhje, pra me mbërri mi mbajt zgjedhjet ashtu si i kemi mbajtur në Graçanicë, Partesh, e në vendet e tjera, zgjedhje të Kosovës edhe në veri. Pra një zbutje dhe integrim i veriut në përputhje me atë çka parasheh kushtetuta jonë. Pra nuk besojmë që shkohet në ndonjë rrugë tjetër, pos çka parasheh Kushtetuta e vendit”, ka thënë ai.
Ndërsa, sa u përket marrëveshjeve që mund të arrihen në Bruksel në mes palëve, ai ka thënë se nga ato bisedime nuk pret totalin e asaj çka duhet, por thotë se nuk pret lajme të këqija, pa dashur të specifikojë se cili është lajmi i mirë që ai e pret.
“Nuk do të jetë totali i asaj çka kërkojmë, por ndoshta edhe ne nuk jemi për ngutë shumë. Nuk po dom mu marrë vesh krejt çka po dom me na u mundësu për me mujt me punu në veri. E në rast se Serbia është e gatshme me ba marrëveshje bilaterale me Kosovën, edhe ne nuk jemi kundër. Por nuk është caku aty, sa është caku me u tërheq një pjesë e strukturave paralele, me u mundësu atje me u mbajt zgjedhjet”, ka deklaruar Hardinaj.
Ai po ashtu ka folur edhe për çështjen e dështimit të koalicionit, duke shtuar se tashmë janë të angazhuar që ta marrin besimin e sovranit, pra të votës së qytetarit.
“Ju e keni parë më përpara ne u ofruam për mundësinë që në marrëveshje me e kriju një qeveri të re, e cila nuk u arrit realisht. Ajo që po synojmë tash është përmes qytetarit, sovrani është qytetari në fund, me e marrë besimin, pra synojmë me marrë besim, në mënyrë që ne me mujt me e kriju qeverinë e vendit. Mundësisht me i fitu zgjedhjet, në rast se nuk arrijmë mjaftueshëm, me lyp edhe partner, por atë partner që e lypim me e lyp në bazë të rregullave që ne i mendojmë”, ka thënë ndër të tjera kreu i AAK-së, Ramush Haradinaj.
Ai ka thënë se gjendjen në vend mendon ta ndryshojë me një qeverisje efektive, e cila, së pari e kryen punën e vet si duhet dhe e cila fokusohet në tema konkrete të jetës në vend.
Ai ka përmendur edhe modelin 100 ditësh, duke thënë se ka treguar se si punohet./Telegrafi/
Lufta Prigozhin - Putin
Më shumëU tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Joseph: Supriza e KS-së ishte se Kosova dhe Rusia u pajtuan për rëndësinë e fushatës ajrore të NATO-s, Putin e ka hedhur Serbinë nën autobus
BE-së i kërkohet largimi i masave sanksionuese ndaj Kosovës, analistët tregojnë se çfarë ndodhë pas procesit që dështoi në veri
Policia serbe ndalon për më shumë se një orë Duda Baljen në Merdar
Momenti kur Osmani i thotë Vuçiqit "Shihi në sy dhe kërkoju falje katër viktimave të krimeve serbe"
"S'ka më punësim të kunatave në MPJD", Gërvalla nënshkruan një vendim
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj