Hana Cakuli, këngëtarja e baladave të mrekullueshme i ka munguar për një kohë skenës, duke mos qenë aktive me publikimin e projekteve të reja muzikore, mirëpo prapëseprapë ajo asnjëherë nuk është tërhequr tërësisht nga muzika.
Në një intervistë ekskluzive për Telegrafin këngëtarja ka folur rreth rikthimit të saj në muzikë, si dhe arsyen pse është larguar për kaq kohë. Ajo ka treguar se primare për të kanë qenë studimet master në Gjermani, teksa më pas martesa, dhe tani e gjithë mrekullia e saj mban emrin “Elena dhe Dorela”
Hana, u bën disa vite larg muzikës. Na thuaj pak sa ju ka munguar skena?
Skena është vendi më i shenjtë për mua, kështu që e kam ndjerë mungesën. Edhe pse, të jemi më specifikë, nuk kam qenë plotësisht e shkëputur, kam pasur kohë pas kohe paraqitje si në Mynih ashtu edhe në Prishtinë, por tejet më të rralla se zakonisht, duke qenë se prioritet e kisha masterin, kurse tani vajzat e mija binjake.
Keni shënuar së fundmi rikthimin tuaj në një koncert humanitar. Mund të na tregosh si ishte ndjenja të rikthehesh pas kaq vitesh në skenë?
Po, ishte rikthimi i parë më i madh në skenë pranë kolegëve të mi të mëhershëm. Ishte shumë kënaqësi të rikthehesha në një mes artistesh që i vlerësoj, poashtu të isha në mesin e organizatorëve të Zyrihut që po mblidhnin mjete për familjet kosovare.
Si ju priti publiku, dhe a ju kishin munguar duartrokitjet?
Publiku dukej i kënaqur dhe po këndonin bashkë me mua gjatë kohës që performoja. Më shumë se duartrokitjet, kjo është ajo që më mungon nga skena – lidhja emocionale me publikun përmes këngëve.
A do të thotë kjo që tashmë Hanën do ta shohim më shpesh me angazhime të ndryshme në muzikë?
Do të thotë që jam në hapat e parë të rikthimit. Dhe ç’është e rëndësishme për mua është që sa rikthehem ndaj publikut shqiptar në Kosovë, Shqipëri, Mal të Zi e anë e mbanë trojeve tona, dua të punoj në paraqitjet e mija në Gjermani dhe para publikut internacional.
Dimë që jeni e martuar dhe keni fëmijë. Na thuaj pak si është për ju ndjenja e të bërit nënë dhe angazhimi me fëmijë gjatë ditës?
Është një ndjenjë e ngrohtë që vetëm familja mund të ta japë. Dhe të jesh nënë e të angazhohesh për fëmijë është përgjegjësia më e madhe. Është kënaqësi të luash me ta dhe të shofësh tek përparojnë.
Si është një ditë e zakonshme e juaja?
Dita ime e ka emrin “Elena Dorela“(qesh). Përkushtimi im është momentalisht maksimal ndaj binjakeve të mija dhe dita ime është përplot me lojëra fëmijësh, këngë fëmijësh, ushqime të tyre, qumësht, etj. E gjithë infrastruktura e shtëpisë dhe produktet kanë të bëjnë me fëmijë, kështu që mund ta paramendoni (qesh).
Duke qenë se jetoni në Gjermani, sa ju mungon Ulqini, dhe a shkoni herë pas here në vendlindjen tuaj?
Normalisht që më mungon, shkoj sa herë të kem mundësi. Vera është atje më e bukura, siç e dijnë edhe shumë turistë, andaj verës e shijoj më së tepërmi.
Publiku ju mban mend për baladat e mrekullueshme: “Simbol”, ‘U shërova”, “Kopshti” etj. Si ndjeheni kur edhe pas kaq vitesh publiku i mban mend këto këngë magjike dhe i këndon me kënaqësi?
Gëzohem që vazhdojnë të pëlqehen e të mbahen në mend. Fundja, ky është dhe qëllimi im në muzikë – të bëj këngë që mbahen mend gjatë dhe që kanë edhe në jetën e dëgjuesit një domethënie speciale (ashtu siç e kam pasur unë gjithmonë lidhjen me muzikën dhe këngët e këngëtarëve që i kam dëgjuar).
Çfarë mendimi keni për tregun muzikor shqiptar. E keni përcjellur ndopak gjatë këtyre viteve?
Mendoj se jemi shumë në hap me kohën. Zhanri Pop, R’n’B dhe Hip Hop dita-ditës po zhvillohen dhe janë në trend apo të paktën në tendencë me tregun botëror. Mendoj se kemi mjaft artistë të talentuar në të gjithë këto zhanre, si në këndim, ashtu në paraqitje, e të mos harrojmë edhe kompozitorë e producentë të mrekullueshëm që vazhdojnë i dhurojnë muzikë të pashterur tregut shqiptar.
Po albumet, a mendon se vlejnë sot në treg?
Në treg ndoshta jo dhe aq. Mendoj se është një përmbledhje e mirë për artistin vet, kurse për treg nuk besoj se ka aq peshë.
Cilat janë dëshirat e tua për vitin 2017?
Të jetë një vit sa më produktiv në të gjitha sferat.
Ku do ta presësh Vitin e Ri? Në Gjermani? Me familje?
Me familje po, kurse detajet tjera nuk do t’i diskutoja.
Hana, të falënderoj shumë që ishe në këtë intervistë. Për fund, çfarë mesazhi do ju jepje lexuesve, dhe cili është urimi yt për 2017-tën?
Faleminderit shumë juve për intervistën dhe pyetjet. Është gjithnjë kënaqësi të jem pjesë e Telegrafit. Lexuesit i falenderoj për kohën dhe të gjithëve i uroj një vit sa më të qetë, të bujshëm dhe me përplot shëndet e dashuri. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Shkurta Haxhiu: Asgjë nuk mund ta evitojë atë që fati të ka përcaktuar
Atdhe Hykolli, kryetar i BSPK-së: Intervistë me shkas e me shkak
Shkencëtarja Dr. Lumnije Kqiku-Biblekaj për çmimin “Personalitet nderi me medalje të artë” në Graz: Shkencën dhe mjekësinë i ndjej në shpirt
Çfarë janë retë artificiale dhe a shkaktuan përmbytjet e mëdha në Dubai?
Zyrtare: Serie A do të ketë pesë skuadra në Ligën e Kampionëve për sezonin 2024/25
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Policia serbe e dërgon në paraburgim mërgimtarin nga Gjakova që e arrestoi në kufi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi