LAJMI I FUNDIT:

Google: Komunikoni me kompani përmes SMS-ve

Google: Komunikoni me kompani përmes SMS-ve

Google së shpejti do të lansojë shërbimin përmes të cilit ju mund të kontaktoni tekstualisht një kompani për të komunikuar me të.

Kjo mënyrë e komunikimit quhet ‘kliko-për-mesazh’ dhe mundëson që të klikoni në një link të një adrese në internet dhe menjëherë të mund të drejtoheni në dritaren e aplikacionit të mesazheve.

Për shembull, nëse dëshironi të bëni një rezervim në një hotel, ju thjesht mund të klikoni në pullën për SMS dhe të pyesni atë hotel nëse ka dhoma të lira.

E njejta procedurë është edhe për rezervimet në një restorant apo pyetjet tjera në lidhje me produktet e caktuara. Pas klikimit në pullën e SMS do të hapet aplikacioni i mesazheve me një tekst automatik që shkruan “Jam i interesuar për një rezervim. Më jepni informata.”

Ndokush mund të hamendet pse njerëzit nuk e thërrasin kompaninë në telefon. Arsyeja është e thjeshtë. Në kohën tonë, njerëzit preferojnë të shkruajnë më shumë se të flasin në telefon. Në anën tjetër, mesazhet marrin më pakë kohë se thirrjet.