LAJMI I FUNDIT:

Gjiganti kinez ishte afër blerjes së WhatsApp para Facebook-ut

Gjiganti kinez ishte afër blerjes së WhatsApp para Facebook-ut

Facebook tronditi botën kur bleu aplikacionin e mesazheve WhatsApp për një shumë tepër të madhe parash, ose më saktësisht kur vendosi të paguajë mbi 19 miliardë dollarë për këtë përvetësim në vitin 2014.

WhatsApp ishte një biznes fillestar me miliona përdorues në të gjithë globin dhe u pa nga kompanitë e tjera të teknologjisë si një objektiv i mundshëm i blerjes në atë kohë.

Një nga ata pretendues ishte gjiganti kinez i softuerit, Tencent, krijues i WeChat.

Në një intervistë të kohëve të fundit me Bloomberg BusinessWeek, CEO i Tencent, Ma Huateng zbuloi se kompania e tij ishte afër finalizimit të një blerjeje të WhatsApp, por në atë kohë ai ishte nënshtruar një operacioni të shpinës dhe vonesa deri në rikuperim bëri që Mark Zuckerberg t’ia marrë atij këtë biznes nga dora, sepse rrjeti i madh social ndërhyri shpejtë dhe e finalizoi blerjen.