Derisa shumica e sociologëve pajtohen se ata që lindën mes viteve 1980 dhe 2000 i përkasin të ashtuquajturës Gjenerata Y (ndryshe milenialët), një profesor i Sociologjisë në Universitetin e Melburnit thotë se kjo nuk është e vërtetë.
Sipas teorisë së tij, ata që kanë lindur mes viteve 1977-1983 i përkasin mikro-gjeneratës, anëtarët e së cilës quhen ksenialë (Xennials), sepse kanë karakteristikat e Gjeneratës X (të lindur mes vite 1960 dhe 1980) dhe të Gjeneratës Y (vitet 1980-2000), transmeton Telegrafi.
“Ka një hendek mes Gjeneratës X, anëtarët e të cilit shpesh përshkruhen si depresivë në këmisha, dhe Gjeneratës Y që janë optimistë, që janë të varur nga teknologjia dhe që kanë vetëbesim të tepruar”, thotë për Daily Maayil, profesori Dan Woodman.
Ksenialët janë rritur në kohën kur shoqërimi me miq, komunikimi përmes telefonit fiks, gazetave dhe televizorëve ishin burimet kryesore të lajmeve. Kur është fjala te teknologjia, Woodman thotë se kjo mikro-gjeneratë ka përvojë unike në teknologji, ka kujtime të mira për fëmijërinë e nuk shqetësohet se sa “pëlqime” do të marrin publikimet e tyre në Facebook apo në Instagram.
Në të njëzetat, ksenialët u ballafaquan me përparimin ekspansionist të teknologjisë.
“Revolucioni teknologjik na goditi para se të bëheshim me fëmijë e të mësonim gjëra të reja. Teknologjia e re na zuri në periudhën kur ende kemi mundur ta përvetësojmë. Kemi mësuar të konsumojmë mediat e reja dhe jemi pjekur para se të shfaqeshin Facebook, Twitter dhe Snapchat”, thotë ai.
Në një shkrim në Huffington Post, ksenaliaët i përshkroi edhe Anna Garvey – eksperte për rrjetet sociale dhe ueb-marketingun.
“Vitet formuese i kemi kaluar pa ndikimin toksik të rrjeteve sociale. MySpace nisi më 2003, e Facebook më 2006. Nëse keni lindur në vitin 1981 ose 1982, i takoni brezit të fundit që ka diplomuar pa rrjetet sociale”, thotë ajo, transmeton Telegrafi.
Garvey shton se brezi i saj, ashtu si gjeneratat e sodit, në rini shpesh kanë bërë sjellje e thashetheme të palejueshme, po për dallim nga milenialët nuk kanë menduar nëse diçka nga kjo do të përfundojë në rrjetet sociale e as se atë do ta shohin prindërit.
“Për dallim nga Gjenerata X, ishim mjaftë të rinj dhe injorantë të kapemi për Facebook dhe MySpace menjëherë kur u shfaqën ato dhe, njëjtë si milenialët, e dimë se çfarë do të thotë të jemi gjatë në ueb apo për ta ndjekur dikë që na pëlqen në rrjetet sociale”; thotë ajo.
Duhet t’ju përkujtojmë se ksenialët janë gjeneratë “analoge-digjitale” që për herë të parë zbuloi magjinë e shpërndarjes dhe marrjes së përmbajtjes multimediale nga interneti, por që kujtojnë kohën kur kanë blerë audio-kaseta ose kur i incizonin këngët nga radioja. /Telegrafi/
Promo
Reklamo këtuLufta Prigozhin - Putin
Më shumëReagon presidenti iranian, Zelenskyt hatërmbetje me aleatët – detaje dhe pamje, minutë pas minute, rreth ‘hakmarrjes’ së Izraelit ndaj Iranit
Ky është heroi më i ri i Dubait - ai shpëton një familje që kishte ngecur në veturë shkaku i përmbytjeve
Izraeli e njoftoi në minutën e fundit SHBA-në për sulmin ndaj Iranit
Pamjet satelitore tregojnë se nuk ka dëme të mëdha në Isfahan të Iranit
"Iranianët janë shumë të frikësuar"
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi