Formula 1 ka lënë pas një tjetër garë të këtij Botërori, Çmimin e Madh të Spanjës të zhvilluar në Barcelonë dhe të fituar nga britaniku Lewis Hamilton, duke lënë pas krahëve të tij gjermanin e Ferrarit, Sebastian Vettel.
Por, cilat janë notat e dhëna ndaj pilotëve pas performancës së një dite më parë?
Hamilton 10 – Vlerësimi maksimal, sigurisht nuk mund të mos i shkojë britanikut Hamilton, i cili duket se imitoi idhullin e tij Muhammad Ali, teksa i dha një goditje “KO” rivalit të tij për titullin, pikërisht në momentin më të mirë për Vettel dhe Ferrarin. Kjo edhe si për të harruar garën e Sochit në Rusi. Britaniku e dinte se Botërori mund t’i ikte duarsh, ndaj dhe garoi me intensitetin më të lartë të mundshëm në ditën vendimtare. I ndihmuar edhe nga rrethanat, por edhe strategjia e Mercedesit që fillimisht dukej e destinuar të humbiste, por ishte falë menaxhimit fenomenal të Lewis të gomave të buta, që e nxorën atë fitues.
Vettel 10 – Edhe pse nuk mundi të ngjitej në shkallën më të lartë të podiumit, gjermani i “kokëkuqes” ishte një luftëtar i vërtetë. E nisi shumë më me grintë që në sekondat e para, kur luftoi rrotë më rrotë me britanikun Hamilton, e parakaloi, por ndoshta gaboi skuderia nga Maranello me strategjinë e ndjekur… Një detaj për t’u theksuar ishte edhe Bottas, i cili jo vetëm nxori jashtë gare Raikkonenin, por shërbeu si “tapë” në momentin që Vettel mund të arratisej nga Hamilton.
Ricciardo 7.5 – Vështirë të festosh për një vend në podium, por duke ditur dominimin e dyshes Ferrari-Mercedes këtë sezon, ky hap i Red Bullit konsiderohet pozitiv. Pikë të rëndësishme pra për australianin.
Verstappen 7.5 – Pas triumfit të një viti më parë nuk mund të kishte fat më të keq për Max. Megjithatë ishte shumë më i shpejtë sesa shoku i skuderisë.
Alonso 7 – Ishte i mrekullueshëm të shtunën, aq sa mund ta “ngrinte në qiell” motorin Honda me lavdërime, por tejet njerëzor të dielën e garës. Një pilot me shumë eksperiencë, për të cilin askush nuk e vë në dyshim se meriton më shumë.
Perez 7 – Për meksikanin nevojitet një fletore për të mbajtur shënim garat radhazi në të cilat ka mundur të rrëmbejë pikë. Një pilot shumë i ri, agresiv dhe me rezultate, aq sa mund t’iu hapë probleme edhe ekipeve kryesore të Formulës 1.
Ocon 7 – Është pikërisht merita e francezit që Force India renditet aktualisht si forca e katërt e Botërorit të Formulës 1. Mund të konsiderohet shumë mirë si kopja e dytë e Perezit, pasi po përfundon gjithnjë e më tepër në zonën e pikëve.
Wehrlein 7 – Oksigjeni për ekipin e tij Sauber. Duke ditur se vjen nga rikuperimi i një frakture në shtyllën kurrizore gjatë provave dimërore, vendi i 8 me Sauberin mund të konsiderohet premtues për të ardhmen.
Raikkonen 6.5 – U nis më mirë sesa Bottas, por bashkëkombasi i tij e detyroi të përplasej me Verstappen në kthesën e parë të pistës. Fatkeqësi që u tërhoq, pasi nëse do të ishte në garë mund të rezultonte produktiv edhe për Vettelin.
Bottas 5.5 – E tradhtoi motori që ishte shfrytëzuar në plot 4 gara. Arriti të kalonte Kimi Raikkonen në start dhe për pak kohë garonte si i dyti duke i hapur rrugën Hamiltonit, pasi kishte penguar më herët Vettelin që të mos merrte arratinë përkundrejt britanikut.
Massa 4 – Katastrofal. Përveçse shkatërroi garën e tij dhe të Alonsos, përplaset edhe me Vandoorne dhe pengoi Vettelin teksa parakalonte makinat më të ngadalta në pistë, një prej të cilave edhe ajo e brazilianit.
Këto vlerësime, sa u përket atyre që lanë më shumë shenja në Çmimin e Madh të Spanjës, por paraqitje të mira ishin edhe ato të Hulkenberg dhe Ericsson, që të dy të vlerësuar me notën 7, ndërsa Sainz Jr. me notën 6.5, i cili edhe pse gjithmonë është aty në sulm, shpesh e ekzagjeron. Kvyat vlerësohet me 6, Grosjean me 5.5, Magnussen me 5, sikurse edhe Vandoorne, ndërsa të fundit, Palmer dhe Stroll me notën 4. /TCh/
Lufta Prigozhin - Putin
Më shumëReal Madrid TV sulmon gjyqtarët e El Clasicos, pretendon se një nga golat e Barcelonës nuk ishte e rregullt
Edhe po të shënonte Yamal, sërish Barcelonës nuk do t'i pranohej goli - mediumi spanjoll sqaron skenarin
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
Man City dhe Arsenali në ‘luftë’ me njëra-tjetrën për shërbimet e sensacionit të Ligës Premier
Capello zgjedh katër gjeni të futbollit, nuk e përfshin Ronaldon
"90 për qind e gjyqtarëve anojnë nga Real Madridi", rikthehet deklarata e ish-gjyqtarit të La Ligës pas El Clasicos
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj