LAJMI I FUNDIT:

Formacioni i javës i futbollistëve shqiptarë nëpër botë (Foto)

Formacioni i javës i futbollistëve shqiptarë nëpër botë (Foto)

Ka përfunduar edhe një javë e suksesshme e futbollistëve shqiptarë nëpër botë.

Këtë javë shkëlqimin më të madh e kishte sulmuesi i talentuar, Albian Ajeti i cili shënoi dy gola dhe i siguroi një fitore të madhe skuadrës së tij St Gallen.

Dy gola i shënoi në Zvicër edhe Jahmir Hyka në fitoren 3-0 të Luzernit ndaj Vaduzit.

Ndërkohë paraqitje të mirë kishte edhe kapiteni i Kosovës, Samir Ujkani me ekipin italian Pisa, transmeton Telegrafi.

Më poshtë keni formacionin më të mirë të futbollistëve shqiptarë nëpër botë. /Telegrafi/

Samir Ujkani – Kapiteni i Përfaqësueses së Kosovës ka qenë vendimtar në barazimin e Pisas në udhëtim tek Pro Vercelli. Numri një i Pisas ka bërë disa pritje duke i siguruar një pikë me vlera ekipit të tij.

Shkodran Mustafi – I pa kalueshëm në mbrojtje, por këtë javë ka bërë mirë edhe përpara duke dhënë një asistim për Alexis Sanchez. Kampioni i botës kishte paraqitje fantastike ndaj West Hamit ku Arsenali shënoi fitore të thellë 1-5.

Alban Pnishi – Qendërmbrojtësi i Kosovës ka pasur një paraqitje tejet të mirë për Grasshopperin ndaj Laussanës ku skuadra nga Zurichu triumfoi me rezultat 1-2. Paraqitja e Pnishit u vlerësua lartë në mediat zvicerane.

Të gjitha lajmet nga Shqiptarët nëpër botë
Lexo po ashtu Të gjitha lajmet nga Shqiptarët nëpër botë

Amir Rrahmani – Prishtinasi ishte lider në mbrojtjen e Lokomotivës së Zagrebit që shënoi një fitore të lartë 4-1 në udhëtim tek Cibalias. Forma e 22-vjeçarit është në rritje dhe nga stinori i ri pritet të kthehet në Dinamon e Zagrebit pas huazimit të suksesshëm.

Elseid Hysaj – Ishte i lënduar por u fut në ndeshje ndaj Interit dhe shkëlqeu për 61 minuta sa qëndroi në fushë duke u zëvendësuar pas disa shtrëngimeve në bark. Gjithsesi Hysaj mbetet njëri nga mbrojtësit e djathtë më të vlerësuar në Serie A dhe jo vetëm.

Granit Xhaka – Dalëngadalë po e blindon pozitën e tij të titullarit në Arsenal. Graniti kishte një paraqitje të mirë ndaj West Hamit dhe mori një notë të kënaqshme 7.3.

Valon Berisha – Nuk ishte në formën e tij më të mirë në fillim të stinorit në Austri por tani kanë ndryshuar gjërat. Berisha është bërë lojtari kryesor i Red Bull Salzburgut, ku këtë javë shënoi një gol të bukur në fitoren 4-1 ndaj Altachit.

Shpërthimi në Zvicër, Ajeti premton edhe më shumë gola (Foto/Video)
Lexo po ashtu Shpërthimi në Zvicër, Ajeti premton edhe më shumë gola (Foto/Video)

Jahmir Hyka – I ka dhuruar një fitore mbresëlënëse Luzernit të tij me dy gola fenomenal 3-0 ndaj Vaduzit. Reprezentuesi shqiptar e ka kthyer formën e tij të fillimit të stinorit, duke udhëhequr Luzernit drejt pozitës së tretë në elitën e futbollit zviceran.

Milot Rashica – Kishte rënie të formës por ngadalë po e kthen atë. Rashica e riktheu te fitorja Vittesen pas katër ndeshjeve pa pikë të plota ku mposhtën Zwollen 3-1. Vushtrriasi asistoi tek goli i dytë dhe ishte futbollisti më i fauluar në ndeshje.

Endri Çekiçi – Lokomotiva e Zagrebit ishte në një formë tejet të dobët, mirëpo këtë javë shënuan fitore 4-1 ndaj Cibalias falë shkëlqimit të Endri Çekiçit. Shqiptari shënoi golin e parë në ndeshje ndërsa fitoi edhe një penallti duke u shpallur lojtari më i mirë në fushë.

Albian Ajeti – Është pritur gjithmonë shumë nga ai dhe tani është në kulmin e karrierës. Sulmuesi i jashtëzakonshëm ka qenë vendimtar për St Gallenin në fitoren 2-1 ndaj Sionit. Edhe pse po humbitnin 0-1 pas pjesës së parë, Ajeti arriti të shënoi dy gola në pjesën e dytë për fitoren e gjashtë në këtë kampionat për ekipin e tij. Dy golat e të dielës e kanë ngritur në kuotën e pesë golave talentin kosovar i cili ka dhuruar edhe dy asistime.

Më poshtë keni edhe sondazhin ku me voten tuaj mund të zgjedhin më të mirin e javës.

Formacioni i javës i futbollistëve shqiptarë nëpër botë
Formacioni i javës i futbollistëve shqiptarë nëpër botë

Në trend Sport

Më shumë
Reagon babai i Olti Hysenit, pas deklaratës 'bombastike' të lojtarit të talentuar

Reagon babai i Olti Hysenit, pas deklaratës 'bombastike' të lojtarit të talentuar

Përfaqësuesja e Kosovës
Një minutë në fushë kushton 2 milionë euro – dështimi më i madh i Chelseat nga blerjet e fundit

Një minutë në fushë kushton 2 milionë euro – dështimi më i madh i Chelseat nga blerjet e fundit

Premier League
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Ligue 1
Agjenti i Alphonso Davies godet Bayernin, shpjegon situatën e kanadezit

Agjenti i Alphonso Davies godet Bayernin, shpjegon situatën e kanadezit

Bundesliga
Real Madridi fërkon duart, shumë lojtarë të Man Cityt kthehen të dëmtuar nga kombëtaret

Real Madridi fërkon duart, shumë lojtarë të Man Cityt kthehen të dëmtuar nga kombëtaret

Liga e Kampionëve
Kalo në kategori