Krijimi i Fondit për Zhvillimin e Veriut, si produkt i bisedimeve ndërmjet Prishtinës dhe Beogradit, vlerësohet se do të ketë implikime në ndryshimin e Ligjit për buxhet.
Përderisa qeveria e pati arsyetuar formimin e këtij Fondi të veçantë për veriun me faktin se tani do të mund të kontrollojë dhe menaxhojë projektet zhvillimore në atë pjesë, disa deputetë nga radhët e opozitës dhe përfaqësues të shoqërisë civile konsiderojnë se ky Fond do të varfërojë tutje buxhetin e Kosovës.
Projektligji për rishikimin e Ligjit për buxhet tashmë është futur në procedura parlamentare dhe ka kaluar në Komisionin për Buxhet dhe Financa në Kuvendin e Kosovës. Kurse të enjten, pritet votimi i parë për miratimin e tij në parim.
Deputeti Visar Ymeri, nga radhët e Lëvizjes Vetëvendosje specifikon se çfarë parashihet në nenin 2 të këtij ligji për Fondin Zhvillimor të Mirëbesimit.
“Të gjitha paratë publike të mbledhura prej mallrave të importuara nga bizneset e regjistruara në veri të Mitrovicës, Zubin Potokut, Leposaviqit dhe Zveçanit, të cilat janë destinuara për konsum në këto komuna, në momentin e hyrje në Kosovë për mes pikave doganore në Jarinë pika 1, dhe Bërnjak pika 31, duhet të dërgohen në fondin e Kosovës duke u identifikuar dhe regjistruar veçanërisht, SIMFK dhe të ndahen për Fondin Zhvillimor të Mirëbesimit që do të krijohet nga përfaqësuesi special në Kosovë, në një bankë komerciale”, thotë Ymeri, transmeton Rel.
Ndërkohë, deputetja Hykmete Bajrami, nga Lidhja Demokratike e Kosovës, anëtare e Komisionit për Buxhet dhe Financa, thotë se edhe pse rishikimi i buxhetit është votuar në Komision, ende nuk dihet sa është shuma e këtij Fondi, dhe për çfarë periudhe kohore vlen.
Ndërsa rithekson pozicionin e LDK-së në mbështetje të negociatave me Beogradin që po zhvillohen në Bruksel, deputetja Bajrami konsideron po ashtu se me themelimin e Fondit për Zhvillimin e Veriut po krijohet një hapësirë që agjencitë dhe komunat tjera të kërkojnë të kenë fonde të veçanta.
“Sa i përket impaktit financiar në buxhetin e Kosovës, nuk mund të jap ndonjë vlerësim të veçantë sepse nuk e di sa është numri i bizneseve të regjistruara në veri dhe cili është aktiviteti i tyre tregtar. Do të thotë varet prej shumë parametrave. Mirëpo mund të them se është një kompromis i dhimbshëm për arsye se definitivisht ne nuk konsiderojmë se veriu i Kosovës është më i pazhvilluar se jugu ose diçka tjetër”, thotë ajo.
Shumë kritik në raport me krijimin e këtij Fondi, shprehet deputeti Visar Ymeri.
Sipas tij shpenzimi paralel i buxhetit do realizohet pa ndonjë plan dhe pa ditur se cilat do të jenë përfitimet.
“Ky buxhetit paralel po financohet nga paratë publike të Republikës se Kosovës, po i ndahet një pjesë e buxhetit shumë varfër të Republikës se Kosovës, një pjesë e caktuar të territorit të Kosovës dhe një grupi të caktuar shoqëror të Kosovës, pa pasur kurrfarë plani. Pastaj se ku do të shpenzohen, çfarë dobish do të kemi ekonomike nga shpenzimet, dhe si do të funksionojë dhe forcojë shtetin dhe ekonominë e Kosovës”, thekson Ymeri.
Sidoqoftë, përfaqësues të shoqërisë civile në vend, konsiderojnë se gjatë një viti të hyrat nga pikat doganore 1 dhe 31 që regjistrohen në terminalin e Mitrovicës, por edhe nga shmangiet nga doganimi i mallrave buxheti i Kosovë, arrijnë rreth 50 milionë euro.
Agron Demi nga Instituti për Studime të Avancuara “GAP” thotë se ajo që ende mbetet e pa zbuluar është se sa për qind e kësaj shume do të shfrytëzohet për krijimin e këtij Fondi.
Ai e quan të panevojshëm krijimin e këtij Fondi, pasi sipas tij, vetëm gjatë tri viteve të fundit, Qeveria e Kosovës ka ndarë mbi 19 milionë euro për pjesën veriore të Kosovës.
“Qeveria e Kosovës vazhdimisht ka ndarë fonde për atë pjesë, çka do të thotë se nuk është i nevojshëm një fond i veçantë zhvillimor. Pjesa veriore e Kosovës nuk dallon në aspekt zhvillimor nga pjesa jugore, e aq më tepër kur banorët e kësaj pjese, për shumë vite kanë marrë të hyra, si nga buxheti i Kosovës, po ashtu edhe nga ai i Serbisë", shprehet Demi.
Ai konsideron se krijimi i këtij Fondi do të sakrifikojë një pjesë të projekteve të parapara më buxhetin e vitit 2013. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Pal Lekaj dëshmitar në gjykimin e të akuzuarve për keqpërdorime me patentë shoferë
Arrestimi i zv.drejtorit të Policisë së Kosovës, analistët në Beograd: “Shfaqja e muskujve” nga Vuçiqi
MSH-Maqedoni: Një pjesë e mjekëve specializantë kanë marrë sigurime shëndetësore
Brnabiq arsyeton arrestimin e zv.drejtorit Jankoviq, reagon Surroi: Ndërhyrje në identitetin e serbëve të Kosovës
Flet avokati i Pal Lekajt për vendimin e 53 milionëshit
Pa marrëveshje për dinarin, Bislimi: Ishta takimi i kotë, Serbia e painteresuar për marrëveshje
Milatoviq kërkon drejtësi për vrasjet e shqiptarëve në Mal të Zi më 1999 – propozon edhe ngritjen e një memoriali
Prokuroria thirrje qytetarëve: Nëse jeni viktimë që u janë shpërndarë foto apo video intime nga "Albkings", jepni dëshmitë në polici
Ngrihet aktakuzë ndaj 18 personave për korrupsion me subvencionet e Ministrisë së Bujqësisë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin