LAJMI I FUNDIT:

Fillon implementimi i fazës së II-të dhe III-të i projektit “Dhëmbë të shëndoshë, fëmijë të lumtur” në regjionin e Prishtinës

Fillon implementimi i fazës së II-të dhe III-të i projektit “Dhëmbë të shëndoshë, fëmijë të lumtur” në regjionin e Prishtinës

Projekti “Dhëmbë të shëndoshë, fëmijë të lumtur”, bazohet në rekomandimet e Komitetit ndërministror të programit ”Shkollat Promovuese të Shëndetit” dhe përfshihen në mënyrë të drejtëpërdrejtë mbi 1150 Institucione parashkollore, fillore dhe të mesme të Republikës së Kosovës, përkatësisht rreth 450 mijë fëmijë-nxënës.

Ky projekt realizohet nga Organizata për Arsim, Shkencë dhe Shëndetësi “KISCOMS”, Qendra Kombëtare për Edukim Shëndetësor Oral “DENT-IN” dhe Shoqata Kosovare e Studentëve të Stomatologjisë “KADS”.

Nga 1-21 qershor, 2013, realizohet faza e dytë dhe e tretë e projektit në Institucionet e arsimit fillorë dhe të mesëm të regjionit të Prishtinës, si në : Prishtinë, Podujevë, Fushë Kosovë, Obiliq, Drenas dhe Lipjan. Janë rreth 250 shkolla fillore dhe të mesme që do të vizitohen deri në fund të këtij viti shkollor, tha Xheladin Ujkani- ideator dhe udhëheqës i projektit.

Gjatë ditëve në vazhdim, ne do të fokusohemi tek bashkëbisedimi me fëmijët mbi ushqimet e preferueshme dhe jo të preferueshme, si dhe në pastrimin e drejtë dhe të rregullt të dhëmbëve. Përmes nxënësve dhe mësimdhënësve që do të jenë prezent gjatë realizimit të aktiviteteve, do të barten informatat e nevojshme dhe të domosdoshme edhe tek pjesa tjetër e nxënësve në mënyrë që mos të pengohet procesi mësimor. Këto aktivitete janë të koordinuara në detaje edhe me drejtoratin e arsimit të kuvendeve komunale dhe me drejtorët e shkollave, të cilët janë shumë bashkëpunues, u shpreh Ujkani.

Faza e I-rë, e cila përfshin të gjitha Institucionet parashkollore mbështetet nga Klinika Dentare “Dent-In”, ndërsa faza e dytë dhe e tretë në Institucionet e arsimit fillorë dhe të mesëm të rajonit të Prishtinës, mbështetet edhe nga Kompania e Sigurimeve “ILLYRIA” si dhe nga Banka Raiffeisen në Kosovë.

Projekti ”Dhëmbë të shëndoshë, fëmijë të lumtur”, gjatë vitit shkollor 2013-2014, do të shtrihet edhe në rajonet e tjera të Kosovës, si në rajonin e Mitrovicës, Prizrenit, Pejës, Gjilanit, Gjakovës dhe Ferizajit.

Për informata më të hollësishme në lidhje me ecurinë e projektit, mund të kaloni në profilin e projektit në facebook : "Dhëmbë të shëndoshë, fëmijë të lumtur" ose në youtube : “DentinGroup”
Sponsor medial të projektit janë Radiotelevizioni 21 dhe Portali Informativ Telegrafi.com.

Në trend Shëndetësi

Më shumë
Ngritja e bilirubinës në gjak: Çfarë do të thotë dhe si ndihmohet?

Ngritja e bilirubinës në gjak: Çfarë do të thotë dhe si ndihmohet?

Shëndetësi
Kalo në kategori