LAJMI I FUNDIT:

Fati i testimit ekstern në duart e qeverisë së re të Maqedonisë

Fati i testimit ekstern në duart e qeverisë së re të Maqedonisë
-->

Fati i testimit ekstern gjegjësisht ndërprerja e tij do të varet nga qeveria e re. Në programin e qeverisë të cilin e prezantoi LSDM-ja theksohet se gjatë mandatit të tyre do të propozohet ndërprerja e testimit ekstern si projekt që ngjalli shumë revolt te mësimdhënësit, kurse krijoi edhe shqetësim dhe pakënaqësi edhe te nxënësit dhe prindërit, njofton Alsat-M.

I pyetur për përvojën e Ministrisë së Arsimit gjatë zbatimit të testimit ekstern, ministri Pishtar Lutfiu pranon që ka pasur ankesa për efikasitetin e tij por, sipas tij, me kalimin e kohës mangësitë janë evituar.

Për ish ministrin e arsimit Sulejman Rushiti, testimi ekstern ka qenë eksperiment në kuadër të politikës ditore. Rushiti thotë se problemet me nivelin e arsimit në Maqedoni nuk vinë nga mësimdhënësit por nga politika.

Ideja fillestare e testimit ekstern ishte që nëpërmjet nxënësve të testohen edhe mësimdhënësit të cilët shpesh u dënuan për rezultatet. Që nga fillimi i aplikimit, ai është përballur me ankesa dhe rezistencë të madhe nga nxënësit dhe prindërit.