0Shares

Rritja e shqetësimeve për Eurozonën ka ndikuar në rrëzuar kontratat e naftës të cilat vazhduan të dorëzojnë një pjesë të fitimeve të realizuara në javët e fundit. Ndikim në rënien e kontratave të naftës ka dhënë dhe qëndrueshmëria e dollarit në tregjet monetare.

Parashikimi për konsumin e naftës është zymtësuar disi pasi rritja e riskut politik në Europë ku përfshihet Spanja dhe shanset e rikthimit të Berluskonit në krye të qeverisë italiane po vendosin në risk progresin që është kryer deri më tani në zgjidhjen e krizës së borxheve sovrane.

Nafta bruto Brent e Londrës për marsin ra 46 cent në 115.14 dollarë për fuçi duke zgjeruar humbjen 1 për qind të ditës së hënë. Nafta bruto amerikane për marsin ra 13 cent në 96.04 dollarë për fuçi duke zgjeruar rënien 1.6 par qind të një dite më parë. Volumi i tregtisë pritet të jetë i ulët pasi rajoni aziatik hyn në festën e vitit të ri kinez. /Telegrafi/

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)