0Shares

Sulmi kibernetik i së premtes ka prekur më shumë se 200,000 kompjuterë në 150 vende të ndryshme të botës, thotë shefi i Europol, Rob Wainwright.

Ai i tha BBC se akti ishte “i pashembullt për shkallën e tij” dhe paralajmëroi se më shumë njerëz mund të jenë të prekur të hënën në mëngjes.

Virusi mori kontrollin e dosjeve të përdoruesve, duke kërkuar pagesa në këmbim të lirimit të të dhënave. Rusia dhe Britania e Madhe ishin ndër vendet më të goditura.

Ekspertët thonë se një sulm tjetër mund të jetë afër dhe kanë paralajmëruar njerëzit që të rrisin sigurinë e tyre kibernetike.

Z. Wainwright tha se softueri që bllokon hyrjen në të dhëna deri sa të paguhet një shpërblim – u kombinua me një aplikacion krimb – një program që përsëritet në mënyrë që të përhapet në kompjutera të tjerë.

Kjo, tha ai, po lejonte “infeksionin e një kompjuteri të përhapet shpejt në të gjithë rrjetet”.

Ai shtoi: “Kjo është arsyeja pse ne po shohim që këto numra po rriten gjatë gjithë kohës”.

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)