Ekstrakti i hudhrës ndihmon pacientët me fibrozë cistike në luftimin e infeksionit
Një kimikat që gjendet në hudhër mund t’i vrasë bakteret që shkaktojnë infeksione të rrezikshme për jetën të mushkërive tek personat me fibrozë cistike, sugjeron hulumtimi.
Studimi është i pari i cili tregon se kimikati – i njohur si allicinë – mund të jetë një trajtim efektiv kundër një grupi të baktereve infektive që janë shumë rezistuese ndaj shumicës së antibiotikëve.
Allicina prodhohet natyrshëm nga hudhra për ta shmangur një grup të lidhur ngushtë të patogjenëve të bimëve të gjetura në habitatet tokësore dhe ujore. Në vitet ’80 të shekullit të kaluar, bakteri – i njohur si kompleksi Burkholderia cepacia (Bcc) – u shfaq si një shkaktar i infeksioneve të rënda dhe të transmetueshme të mushkërive tek pacientët me fibrozë cistike.
Masat për ta kufizuar përhapjen e infeksioneve Bcc në mesin e personave me fibrozë cistike e kanë ulur dukshëm numrin e rasteve. Megjithatë, terapitë aktuale në dispozicion për t’i trajtuar infeksionet – të cilat janë potencialisht fatale – janë të kufizuara dhe e kërkojnë përdorimin e kombinimeve të tre deri katër antibiotikëve njëkohësisht.
Hulumtuesit gjetën se allicina – e cila mund të ekstraktohet duke e shtypur hudhrën e papërpunuar – e pengon rritjen e baktereve dhe, në doza më të larta, i vret patogjenet bimore. Ekipi sugjeron se allicina i vret bakteret Bcc duke i modifikuar kimikisht enzimat kyç. Kjo i çaktivizon ato dhe i ndalon proceset e rëndësishme biologjike brenda qelizave patogjene.
Ekipi hulumtues beson që barërat që përmbajnë allicinë mund të përdoren në kombinim me antibiotikët ekzistues për t’i trajtuar infeksionet Bcc. Megjithatë, studiuesit thonë se është e rëndësishme të identifikohen mekanizmat me të cilat allicina i vret bakteret para se kimikati të mund të përfshihet në trajtime të reja.
Bakteret prodhojnë agjentë të fuqishëm antimikrobial, të cilët i shkatërrojnë bakteret dhe kërpudhat, duke i bërë ato rezistuese ndaj ilaçeve në mënyrë natyrale dhe duke ua mundësuar që të mbijetojnë në mjedise të ndotura dhe të pasura me antibiotik. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi