0Shares

Drejtori i Përgjithshëm i Agjencisë për Investime dhe Përkrahjen e Ndërmarrjeve në Kosovë (KIESA), Besian Mustafa, priti në takim Kryetarin e Bordit të Odës së Afaristëve të Kosovës (OAK), Skënder Krasniqi dhe anëtarë të tjerë të udhëheqësisë kësaj ode.

Fillimisht, Mustafa i njoftoi përfaqësuesit e OAK-së me aktivitetet kryesore të KIESA-s në fushat e investimeve, eksportit, përkrahjes së ndërmarrjeve të vogla dhe të mesme, promovimin e bizneseve në tregje ndërkombëtare dhe mbështetjen e bizneseve në gjetjen e partnerëve të jashtëm.

Ndërsa, përfaqësuesit e OAK-së njoftuan për qëllimin e themelimit të kësaj Ode, veprimtarinë e saj, objektivat e punës si dhe mundësitë e bashkëpunimit ndërmjet KIESA-s dhe Odës së Afarizmit të Kosovës.

Në fund të dyja palët premtuan se do të angazhohen që ky takim të jetë vetëm fillimi i një bashkëpunimi në favor të zhvillimit ekonomik të Kosovës. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)