LAJMI I FUNDIT:

Dorëheqja e duhur dhe një goditje për Trumpin

Dorëheqja e duhur dhe një goditje për Trumpin

Që me krijimin e këtij posti në vitin 1953, këshilltari për Sigurinë Kombëtare i presidentit amerikan është një nga aktorët më me influencë të politikës së jashtme dhe të sigurisë të Qeverisë amerikane. I emëruar direkt nga presidenti, ai përcakton në masë të madhe orientimin e politikës së jashtme amerikane. Këshilltarë të sigurisë si Henry Kissinger, Zbigniew Brzezinski, Brent Scowcroft apo Condoleezza Rice kanë vënë vulën e tyre në politikën e presidentit. Sigurisht ata kanë qenë të kontestuar në këtë post, dhe janë ende edhe sot. Por, në historinë 60-vjeçare të këtij posti, nuk është larguar asnjë këshilltar brenda 24 ditësh. Me këtë presidenti amerikan futet në histori.

Natyrisht dorëheqja e Michael Flynnit është hapi i duhur, ai është madje i vonuar. Më së voni kur pak ditë pas marrjes së postit nga Trumpi, u bë e ditur se FBI me autoritete të tjera po analizonte telefonatat e të emëruarit si këshilltar për sigurinë kombëtare me ambasadorin rus, u bë e qartë se për Flynnin akulli po thyhej. Flynn kishte telefonuar me ambasadorin rus, pikërisht në atë ditë, kur presidenti ende në detyrë, Barack Obama, vendoste sanksione kundër Rusisë.

Flynn, i cili në fillim deklaroi, se nuk ka folur me ambasadorin rus për sanksionet, bëri të ditur javën e shkuar përmes zëdhënësit, se nuk mund të përjashtojë, se kjo temë është prekur. Por për çudi nuk ishte ky pohim që çoi në dorëheqjen e tij, por fakti, që ai me këtë mashtrim ka vënë në pozitë të vështirë zëvendëspresidentin amerikan Mike Pence. Sepse ky i fundit ishte bazuar në deklaratat e Flynns, që nuk është folur me të dërguarin e Moskës në Uashington për sanksionet dhe e mbrojti publikisht këshilltarin e presidentit. Por, tani që duket se kjo bisedë është zhvilluar, rrezikohet rëndë besueshmëria dhe imazhi i zëvendëspresidentit – vetë tre javë në këtë post. Me këtë u bë i pashmangshëm largimi i Flynnit.

Dorëheqja e Flynnit është kështu jo vetëm e nevojshme, për të mos e dëmtuar më tej administratën e Trump. Ky hap mund të përshëndetet edhe për arsye politike. Sepse me islamofobinë e ashpër, të shprehur pa takt në publik, apo afërsinë me Rusinë, Flynn ishte që para marrjes së postit një nga më të kontestuarit si ekspert republikan i sigurisë dhe politikës së jashtme. Ai që e mbajti Flynn në post, megjithë kontestimet, ka qenë Donald Trump. Prandaj, largimi i tij kaq i shpejtë, është edhe një goditje e rëndë për presidentin.

Në trend

Më shumë
PDK voton kryesinë e re të partisë - pësojnë ndryshime në pozita disa prej figurave të njohura të kësaj partie

PDK voton kryesinë e re të partisë - pësojnë ndryshime në pozita disa prej figurave të njohura të kësaj partie

Lajme
“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

Përfaqësuesja e Kosovës
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës

Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës

Elfije Boletini
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori