0Shares

Veturës së Nemanja Radunovicit, nëpunës në Zyrën Administrative në pjesën veriore të Mitrovicës, i është vënë flaka nga persona deri tash të panjohur. Ngjarja ka ndodhur të hënën në orët e mëngjesit. Rastin e ka konfirmuar edhe Policia e Kosovës.

Sipas policisë një automjet privat, tipit “Renault Laguna”, ngjyrë e gjelbër, me targa “BG”, është djegur pjesërisht, si pasojë e zjarrit, i cili ka kapluar pjesën e motorit të automjetit.

Rasti është raportuar të ketë ndodhur rreth orës katër të mëngjesit të sotëm, në rrugën “Cika Jovina”, në veri të Mitrovicës, ndërsa pronari i automjetit, një 28 vjeçar, i përkatësisë etnike serbe, është intervistuar nga policia.

Policia e Kosovës ka regjistruar rastin si vepër të dyshuar penale “shkaktim i rrezikut të përgjithshëm”.

Zyra administrative e Kosovës në veri funksionon tash e një muaj në Lagjen e boshnjakëve.

Të gjithë të punësuarit e nacionaliteti serb, që janë duke punuar në këtë zyrë në një farë mënyrë janë të kërcënuar nga strukturat paralele dhe kriminalë serbë që veprojnë me urdhër të Qeverisë së Beogradit në veri të Mitrovicës dhe Kosovës, raporton “Koha.net.

Rasti i djegies së makinës së Radunovicit, sipas burimeve të gazetës, është vepër e strukturave kriminale serbe që veprojnë në këtë pjesë të Kosovës. /Telegrafi/

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)