LAJMI I FUNDIT:

Deputetin Fadil Demaku do ta zëvendësojë Nehat Baftiu

Deputetin Fadil Demaku do ta zëvendësojë Nehat Baftiu

Pas vendimit të Gjykatës së Apelit, ku është konfirmuar dënimi që ka dhënë Gjykata Themelore e Mitrovicës më 15 maj të vitit 2015 ndaj të akuzuarave në rastin e njohur si “Drenica II”, nesër pritët që të japin dorëheqje nga pozitat e tyre kryetari Komunës së Drenasit, Nexhat Demaku dhe deputeti i PDK-së, Fadil Demaku.

Këtë e ka bërë të ditur për KosovaPress Nexhat Demaku, i cili ka thënë se po ashtu do të jep dorëheqje edhe nga pozita e kryetarit të degës së PDK-së në Drenas.

E pas dorëheqjes së Fadil Demakut nga pozita e deputetit, vendin e tij do ta zë Nehat Baftiu.

Sipas listës së KQZ-së, Baftiu është i pari në listën e pritjes së PDK-së. Ai në zgjedhjet e fundit mori 8087 vota.

Bafriu me profesion është anesteziolog dhe vie nga Komuna e Ferizajt.

Apeli ua ka konfirmuar dënimin edhe dy vëllezërve tjerë Zeqir dhe Jahir Demaku me nga 6 vjet burg, Isni Thaçit me 6,5 vjet burg, Sylejman Selimit ia kanë zvogëluar një vit burg në 7 nga 8 që ishte dënuar si dhe vëllezërve Demaj, Bashkim, Driton, Selman dhe Agim Demaj me tri vjet burg, transmeton KosovaPress.

Të gjithë këta janë dënuar për krime lufte në rastin e njohur si “Drenica II”.