LAJMI I FUNDIT:

Deklaratë bombë nga Erdogan, a po paralajmëron një fund në marrëdhëniet me Evropën?

Deklaratë bombë nga Erdogan, a po paralajmëron një fund në marrëdhëniet me Evropën?

Presidenti turk, Recep Tayyip Erdogan, e ka përshkruar Evropën si “fashiste dhe mizore”, dhe tha se ajo i ngjan periudhës së para Luftës së Dytë Botërore, pas ndalimit të disa mitingjeve të turqve në disa prej vendeve evropiane.

Siç shkruajnë mediat e huaja, përcjell Telegrafi, Erdogan tha se Turqia mund të shqyrtojë lidhjet e saj me Evropën, pas një referendumi të muajit prill, nga i cili ai shpreson t’i japë kompetenca të reja, të thella.

Madje mediumi britanik Independent, këtë deklaratë të Erdogan e quan si një “bombë” duke shtuar se kjo “sugjeron një fund të marrëdhënieve me Evropën”.

Turqia është zhytur në një krizë diplomatike me Evropën, pasi Gjermania dhe Holanda ndaluan disa mitingje që kishin për qëllim për të forcuar mbështetjen për referendumin.

Pas kësaj, ishte Erdogani ai që e quajti Holandën si “mbeturinë naziste” dhe duke akuzuar Gjermaninë për “veprime fashiste”.

Erdogan tha se Turqia nuk do të kërcënohet më nga procesi i anëtarësimit në Bashkimin Evropian.

Ai gjithashtu tha se Turqia nuk mund të jetë nën presion nga konsiderata të tilla si marrëveshja për rreth 6 miliardë dollarë, përmes së cilës është arritur marrëveshja që të ndalohen emigrantët ilegalë që të kalojnë përmes Greqisë, në shkëmbim të ndihmës financiare dhe bisedimeve të përshpejtuara për anëtarësim në BE.

E kancelarja gjermane, Angela Merkel, i ka kërkuar Turqisë që të ndalojë krahasimet e ndalesave për mitingje me taktikat naziste.

“Kërkesa ime se Turqia duhet të ndalojë krahasime naziste mbetet në fuqi, pa ‘nëse’ dhe ‘por’”, u ka thënë Merkel gazetarëve në panairin e teknologjisë CeBIT në Hanover gjatë fundjavës.

Polemika u thellua javën e kaluar, kur një gazetë turke pro-qeveritare, në ballinën e saj përshkroi kancelaren Merkel me Adolf Hitlerin. /Telegrafi/

Në trend Botë

Më shumë
Si “doli” lufta jashtë kufijve të Ukrainës?

Si “doli” lufta jashtë kufijve të Ukrainës?

Botë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Hezbollahu lëshon

Hezbollahu lëshon "raketa të rënda luftarake" drejt veriut të Izraelit

Botë
Zelensky rendit “synimet e Rusisë, pas Ukrainës”, përmend edhe Gjermaninë

Zelensky rendit “synimet e Rusisë, pas Ukrainës”, përmend edhe Gjermaninë

Botë
Putin thotë se Rusia nuk do të sulmojë NATO-n, por kjo nuk vlen për aeroplanët F-16 që dërgohen në Ukrainë

Putin thotë se Rusia nuk do të sulmojë NATO-n, por kjo nuk vlen për aeroplanët F-16 që dërgohen në Ukrainë

Botë
Kalo në kategori