LAJMI I FUNDIT:

Dekada e informimit online: 10 vjet me Telegrafin

Dekada e informimit online: 10 vjet me Telegrafin

10. Te 1-shi dhe 0-ja bazohet Algjebra e Bulit, që u prezantua më 1847. Askush atëbotë nuk besonte se 100 vite më vonë, këta dy numra do të bëjnë transformimin më të madh teknologjik dhe shoqëror në historinë e njerëzimit – atë që do të njihet si Epoka Informatike. 10 vite më parë themelohet portali i lajmeve Telegrafi.com, për t’u bërë nxitësi i Epokës së Re të Informimit ndër shqiptarë.

9. Numri 9 është 3-shi i shenjtë në fuqi. Janë 9 muza, 9 substanca universale dhe 9 muaj drejt një jete të re. Ky është numri simbol i fuqisë. Janë edhe 9 parime bazike në gazetari. E, 9 shkronja i ka Telegrafi.

8. Para 8 vitesh, Kosova shpalli pavarësinë. Rritja, sukseset dhe dështimet e këtij shteti i pasqyroi Telegrafi. Kurrë më parë historia e një shteti nuk është shkruar në kohë reale, që nga dita e parë e themelimit. Si asnjëherë më parë, secili ka shansin ta njohë lehtë të sotmen e ta studiojë të djeshmen. Me mbi 500,000 lajme, Telegrafi është biblioteka më e madhe shqiptare në internet.

7. Bota u krijua për 6 ditë, por të 7-ën ditë më nuk ka pushim. Sepse, për 7 ditë në javë Telegrafi informon për lajmet nga 7 kontinentet. Legjendat dhe mitet sot thyhen: prapa 7 lumenjve, 7 maleve e 7 deteve është veç edhe një lajm. Ai lajm vjen dhe të gjithë jetojnë – të informuar, përgjithmonë!

6. Janë 6 yje te flamuri i Kosovës, e në 6 shtete të Ballkanit shqiptarët janë të ndarë. Të gjithë ata sot i bashkon informimi i shpejtë, i saktë, i paanshëm dhe falas – misione këto që Telegrafi ia vuri vetes që në ditën e parë të themelimit, bashkë me ndjekjen dhe implementimin e trendeve dhe risive teknologjike. Shqiptari sot, këtu apo në diasporë, është i barabartë në qasjen tek lajmi! Numri 6 është cilësuar si numri më perfekt, sepse është shuma e pjesëve të saj. Por, 6-shi është simbol i ndarjes së shqiptarëve! Në vitin e 6-të të themelimit, Telegrafi ishte simbol i bashkimit dhe rrugës pa kthim të medieve në gjuhën shqipe drejt informimit online!

5. Janë 5 shqisa dhe 5 gishta në dorë. Më 2011 ishte 5-vjetori i Telegrafit. Këtë vit nis përdorimi masiv i telefonave të zgjuar ndër shqiptarë. Përmes Telegrafit bëhen bashkë shqisat e perceptimit, për një pasqyrë më të saktë të botës rreth nesh. Nga ky vit nis edhe një risi në marketing: reklamimi në tërë trevat shqiptare, me pamje, sipas modeleve të medieve më të mëdha të botës. 5 vite më vonë, më 2016, instalohet aplikacioni i ri ideal për reklamimin dhe zgjerimin e bizneseve – për ta përhapur fjalën, më së miri! Sepse, 5-shi është simbol i unitetit, është yll fare!

4. Në 4 skaje të botës, më 26 dhjetor 2010 u dha lajmi se Facebook-u e ka tejkaluar faqen Yahoo me numrin e vizitorëve. Telegrafi është themeluar 4 vite para këtij lajmi. Atëherë Telegrafi veç ishte i etabluar si pikë referimi, si adresë që mbahet mend dhe shkruhet në shfletuesit e internetit. Thjesht e mirë, Telegrafi.com.

3. Numri 3 është simbol i mendimeve të mira, i fjalëve të mira dhe i veprave të mira. Në përvjetorin e 3-të, Telegrafi vazhdoi të përçojë lajmin në botën e dominuar nga gazetat. Pakkush atëbotë kishte besuar se ky medium do të mbijetojë e aq më pak se do të jetë model për mediet shqiptare. Por, kjo u arrit falë lexuesve, numri i të cilëve që atëherë ishte 3 herë më i madh se tirazhi i tërë medieve të shtypura në Kosovë. Kështu, Telegrafi u shndërrua në vepër të madhe të informimit në gjuhën shqipe.

2. Gjërat e mira thonë se vijnë në çift. Janë 2 dialekte të gjuhës shqipe, e më 2008 u bënë edhe 2 shtete shqiptare. Janë 2 anë – majtas e djathtas – e Telegrafi sheh para. Kështu, Kosova, më 26 dhjetor 2016 ka numrin më të madh të përdoruesve të internetit në rajon: 1.52 milionë, apo 81 për qind e popullatës. Pra, shqiptari më shumë se kurrë është i informuar dhe i kyçur në rrjetin global të lajmeve – pa censurë! Në këtë ngritje merita ka edhe Telegrafi – portali më i vjetër i Kosovës së re: i lindur para Newborn-it!

1. Me 1 fillon numërimi. Gjithçka është shumësi e 1-shave. Telegrafi më 2007 shënoi përvjetorin e 1-rë të ekzistencës. E, sot, dekadën e 1-rë. Një rritje që nuk ndalet. Ditë pas dite; vit pas viti; dekadë pas dekade… 1 nga 1!

0. Kodet binare në eter sundojnë Tokën. Një ide do ta ndryshojë përgjithmonë shoqërinë shqiptare dhe qasjen e saj në informata. Më 26 dhjetor 2006, starton portali i lajmeve Telegrafi.com. Një epokë e re në botën e medieve shqiptare lindi! E, me të lindi edhe lexuesi dhe forma moderne e marketingut dhe e reklamimit. Sot jemi 45 punëtorë të një tërësie, por stafi çdo vit po rritet – në redaksinë qendrore në Kosovë dhe redaksinë në Maqedoni; çdo vit shtohet prodhimi, rubrikat dhe risitë teknologjike; çdo vit jemi më afër njëri-tjetrit. Viti 0 dhe klikuesi i 1-rë krijoi një binom të pandarë drejt rritjes dhe zhvillimeve që nuk u ndalën kurrë: 01010100 01100101 01101100 01100101 01100111 01110010 01100001 01100110 01101001 – Telegrafi.

Ju falënderojmë juve, vizitorë dhe partnerë të nderuar. Nga ju rritemi, për ju ngritemi. Pa ju jemi: 0! Me ju jemi: 1!

10 vjet me Telegrafin

10 – 00110001 00110000 00100000
vjet – 01110110 01101010 01100101 01110100
me – 01101101 01100101
Telegrafin – 01010100 01100101 01101100 01100101 01100111 01110010 01100001 01100110 01101001 01101110

– . .-.. . –. .-. .- ..-. ..

Telegrafi.com në Twitter

Telegrafi.com në Facebook

Telegrafi.com në Instagram

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori