A to dë rritet çmimi i energjisë elektrike në Maqedoni? (Video)

Maqedonia vazhdon të importojë energji elektrike, edhe pse TEC Manastir punon me kapacitet të plotë, ndërkaq në punë është futur edhe një uzinë e TEC Osllomej, përcjell Telegrafi Maqedoni.

Përfshirë mbi 22 mijë megavat orë të parashikuara për t’u blerë deri në fund të janarit, harxhimet e importit të energjisë elektrike vetëm në janar kanë arritur në 6 milionë euro.

Ekspertët thonë për 24Vesti se prodhimi i energjisë elektrike është e kufizuar pasi që vendi nuk ka kapacitetet e veta. ELEM-i bën të ditur se qymyri me të cilin furnizohet TEC Osllomej është para përfundimit, ndërkaq aktivizimi i TEC Negotina është më i shtrenjtë se sa çmimi prodhues. Por ekspertët thonë se më lirë është që të blihet qymyri dhe të prodhohet rrymë se sa të importohet rrymë.

Në tenderin e fundit, një megavat orë është paguar për 88 euzro, kurse shuma më e lartë arriti në 240 euro. ELEM-i thotë se nuk do të rritet çmimi i energjisë elektrike, por fjalën e fundit e ka Komisioni rregullator energjetik./Telegrafi/