Kryeministri i Serbisë, Ivica Dacic, nuk e ka më besimin e serbëve të veriut të Kosovës, që t’i përfaqësojë ata në bisedimet me Kosovën, theksojnë politikanët serbë të veriut të vendit.
Reagimet e këtyre të fundit vijnë pas deklaratave të kryeministrit serb, Dacic, dhe kryeministrit të Kosovës Hashim Thaçi, pas takimit të 17 janarit në Bruksel.
Thaçi ka theksuar se pala serbe ka marrë përsipër që të punojë për mënjanimin e strukturave paralele në veriun e Kosovës. Në anën tjetër, Dacici ka theksuar se zgjidhja e kësaj çështjeje qëndron në formimin e institucioneve të reja në veri që do të ishin të pranueshme edhe për Prishtinën edhe për serbët e Kosovës.
Por, politikani serb nga veriu i Mitrovicës, Marko Jaksic, njëherësh deputet i Partisë Demokratike të Serbisë në Kuvendin e Serbisë, thotë për Radion Evropa e Lirë se Dacici dhe Thaçi po i bëjnë llogaritë pa i pyetur serbët e veriut. Sipas tij, Dacic e ka humbur besimin e serbëve të veriut dhe që nga dita e enjte ai nuk mund t’i përfaqësojë ata dhe të bisedojë në emër të tyre.
Jaksic Ai shpreh mendimin se kryeministri serb nuk ka aq fuqi politike për t’i shpërbërë strukturat paralele, ndërkohë që deklaratat e tij ai i quan si një tradhti klasike të interesave kombëtare dhe shtetërore.
Përfaqësuesit e serbëve të Kosovës kanë paralajmëruar për ditën e hënë, më 21 janar, një mbledhje të përbashkët të tyre, për të shqyrtuar se çfarë është biseduar në Bruksel ndërmjet Dacicit dhe Thaçit dhe më pas, të ndërmarrin hapat e mëtutjeshëm. Slavko Stevanovic, i ashtuquajtur kryetar i Kuvendit paralel të Leposaviqit, thekson se serbët e veriut ende nuk i kanë informacionet e sakta nga takimi i fundit në Bruksel ndërmjet kryeministrit të Serbisë dhe atij të Kosovës.
“Nëse është bërë diçka ashtu siç kanë kërkuar serbët e Kosovës, nuk do të ketë rezistencë. Por, nëse është diçka që nuk u përgjigjet serbëve, normalisht që do të ketë rezistencë”, thotë Stevanovic për Radion Evropa e Lirë.
Marko Jaksic nuk beson se shteti serb do të ndërmarrë masa për shpërbërjen e institucioneve paralele serbe në veri, por nëse një hap të tillë do ta ndërmerrte Prishtina zyrtare, atëherë, sipas tij, serbët e veriut do të përgjigjeshin në mënyrë adekuate. Por, siç thekson ai, këtë do të duhej ta bënte edhe shteti serb.
“Çfarëdo përdorimi i dhunës do të duhej të nxiste përgjigjen e shtetit serb, i cili është i obliguar që t’i mbrojë serbët në hapësirën e Kosovës. Ajo që unë mund të them është se serbët mund të jetojnë të pa shqetësuar, sepse këto institucione, të cilat mbijetuan për 13 vjet, do të vazhdojnë të jetojnë edhe më tutje, ndërkaq që mu për këtë shkak, Serbia nuk do të mund të hyjë kurrë në Bashkimin Evropian”, thekson Jaksic.
Ndryshe, kryeministri serb, Ivica Dacic, pas takimit të fundit me kryeministrin e Kosovës, Hashim Thaçi, ka deklaruar se çështja e paralelizmit të institucioneve është hapur për herë të parë seriozisht, si dhe qasjes së posaçme ndaj popullit serb që jeton në Kosovë. Siç ka theksuar ai, kjo çështje është çështje thelbësore dhe nuk mund të zgjidhet për një natë, por se rruga është hapur. /Telegrafi/
Lufta Prigozhin - Putin
Më shumëGazetari britanik tregon nëse mund të ketë luftë në Kosovë dhe Bosnjë
Cvijanoviq: Qëndrimi i Bosnjës e Hercegovinës për anëtarësimin e Kosovës në Këshillin e Evropës duhet të jetë neutral
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Kurti pas telefonatës me Macron: Besojmë që Franca ta mbështesë Kosovën në KiE pa parakushte
Rrëfimi i Vasfije Krasniqit: Çdo ditë e kujtoj tmerrin që më ndodhi nga forcat serbe
Goditi 42 herë me thikë ish-të dashurën në Vjenë, gjykata e dënon me 15 vjet burgim shqiptarin nga Kosova
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj