Komisioni Qendror i Zgjedhjeve (KQZ), ende nuk ka bërë certifikimin e rezultateve të zgjedhjeve të 11 qershorit, ku koalicioni PAN doli i pari, Vetëvendosje e dyta dhe koalicioni LAA i treti.
Nëse përqindjet e votave të fituara në zgjedhjet e 11 qershorit kthehen në ulëse të Kuvendit, përbërja e re e legjislativit do të dukej afërsisht me 39 apo 40 deputetë të koalicionit të PDK-AAK-NISMA. Pastaj, me 31 apo 32 deputetë të Lëvizjes Vetëvendosje, kurse koalicioni i Lidhjes Demokratike të Kosovës, Aleancës Kosova e Re dhe Alternativës – me 29 ulëse.
Komunitetet mbeten në kuotat e njëjta: serbët marrin 10 ulëse dhe pakicat tjera po ashtu 10 vende të garantuara.
Duke pasë parasysh numrin e deputetëve të secilës parti, renditja e tyre në sallën e Kuvendit të Kosovës – sipas ish-shefit Komisionit Qendror të Zgjedhjeve, Mazllum Baraliu – bëhet përmes Rregullores së punës së Kuvendit. Baraliu ka thënë për Telegrafin se parimisht do të duhej që koalicioni PAN – nëse rrinë bashkë – t’i kenë në një vend ulëset.
Por, Nisma për Kosovën ka bërë të ditur se në Legjislaturën e ardhshme do të veprojë si grup i vetëm. Lidhur me këtë, Baraliu theksoi se për renditjen në sallën e Kuvendit do të duhej të merrej Kryesia dhe Sekretaria e Kuvendit.
Edhe Albert Krasniqi nga Demokracia në Veprim, ka thënë për Telegrafin se renditja e partive në sallën e Kuvendit bëhet në bazë të certifikimit të rezultateve – si koalicion PAN.
“Edhe nëse Nisma dhe AAK dalin nga koalicioni, prapë të drejtën për ta propozuar kandidatin për kryetar të Kuvendit, dhe me pas të drejtën në herën e parë për formimin e Qeverisë, e ka PAN si koalicion zgjedhor”, ka thënë Krasniqi.
Por, Baraliu thekson se në rast se gjykojmë në bazë të partisë e cila ka numrin më të madh të ulëseve, atëherë Lëvizjes Vetëvendosje do të duhej t’i caktohet pozicioni qendror i ulëseve. Por kjo, sipas tij, do të varet nga interpretimi i dispozitave të rregullores së punës së Kuvendit.
Sipas Rregullores së punës së Kuvendit të Kosovës, Neni 8, renditja e partive në sallën e Kuvendit bëhet kështu: “Nëse dy apo më shumë grupe parlamentare kanë numër të njëjtë të deputetëve, atëherë renditja e tyre në sallë bëhet me short”.
Kujtojmë se seanca konsitutuive e Kuvendit të Kosovës në vitin 2014, kishte shkuar “hallkam” për shkak të mosdefinimit se ku do të uleshin grupet parlamentare.
Ka qenë një pjesë e deputetëve të PDK-së, të cilët kishin shkuar të parët dhe ishin ulur në mes të sallës, aty ku është vendi për shumicën. /Telegrafi/
Lufta Prigozhin - Putin
Më shumëMacron bisedon në telefon me Kurtin - e lidh anëtarësimin e Kosovës në Këshill të Evropës me zbatimin e Asociacionit
Cvijanoviq: Qëndrimi i Bosnjës e Hercegovinës për anëtarësimin e Kosovës në Këshillin e Evropës duhet të jetë neutral
Mujanoviq: Regjimi në Beograd dëshiron të rrezikojë Bosnjën, Malin e Zi dhe Kosovën
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Abdixhiku i bindur se LDK-ja do të jetë formuese dhe bartëse e Qeverisë së ardhshme: Ditën e parë do ta rrisim koeficientin
BE-ja mbështet Serbinë për muri - nëse e pengon Kosovën në organizatat ndërkombëtare, do t'i bllokohet procesi i anëtarësimit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj