0Shares

Mbrëmë janë zhvilluar tre ndeshje të ligës më të fortë të basketbollit në botë.

Chicago Bulls po vazhdon të befasojë në fazën e ‘Play-Off’, ku sërish ka triumfuar kundër skuadrës më të mirë të Konferencës së Lindjes gjatë sezonit të rregullt të NBA-s.

Bullsat triumfuan me rezultat 111:97 kundër Boston Celtics, duke udhëhequr 2-0 serinë e çerekfinaleve, transmeton Telegrafi.

Jimmy Butler dhe veterani Dwyane Wade bënë diferencën në parket për Chicago, duke realizuar nga 22 pikë secili në këtë triumf.

Për Bostonin u dallua Isaiah Thomas, i cili realizoi 20 pikë, por që mbetën për statistikë.

Në anën tjetër Toronto Raprtors barazon 1-1 serinë e çerekfinaleve, pas fitores 106:100 kundër Milwaukee Bucks.

DeMar DeRoza te skuadra kanadeze realizoi 23 pikë ndërsa një më pak Kyle Lowry. Për miqtë u dallua Giannsi Antetokounmpo, i cili regjistroi ‘double-double’ me 24 pikë e 15 kërcime.

Barazim 1-1 në serinë e çerekfinaleve edhe në përballjen mes Los Angeles Clippers dhe Utah Jazz, me kalifornianët që fituan 99-91. Blake Griffin shënoi 24 pikë ndërsa Chris Paul shtoi 21 për Clippersat. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)