0Shares

Aksionet në bursat botërore, të premten shënuan rritje solide, pasi investuesit përshëndetën të dhënat e fuqishme për punësimin në SHBA, të cilat mund të ndikojnë në atë që Administrata e rezervave federale (Fed) javën e ardhshme të ngre shkallën e kamatës, thonë tregtarët.

Aksionet e indeksit londinez FTSE 100 pasdite shënuan rritje 0,6 për qind në 7.361,74 poenë, DAX 30 Frankfurt për 0,1 për qind në 11.994,19 poenë, KAK 40 parisien për 0,5 për qind në 5.006,71 poenë, transmeton agjencia France press.

Wallstreet, po ashtu, nisi tregtimin në plus, pasi punëdhënësit amerikan në shkurt hapën 235 mijë vende të reja pune, ndërsa shkalla e papunësisë ra në 4,7 për qind.

Në bursat e valutës euro u ngrit në 1,0675 dollarë nga 1,0576 sa ishte dje, funta u ngrit në 1,2215 dollarë nga 1,2162, dollari u ngrit në 115,08 jenë nga 114,98 jenë, transmeton KosovaPress. Në Azi, indeksi i Tokios Nikei shënoi rritje 1,5 për qind, i Hong Kongut 0,3 për qind, ndërsa ai i Shangait shënoi rënie 0,1 për qind.

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)