Burri i bardhë kërcënon gruan me ngjyrë në prezencë të fëmijëve të saj (Foto/Video)

Një video amatore e publikuar në internet ka nxitur reagime të ashpra, për faktin se në të shfaqet një burrë i bardhë duke e kërcënuar se do ta rrah keq një grua me ngjyrë në prezencë të fëmijëve të saj, derisa stafi i restorantit në të cilin po ndodhte ngjarja po shikonin me habi duke mos bërë asgjë.

Klientët e nervozuar me veprimin e burrit, kanë filmuar momentin kur fillon ta shajë dhe të bëjë komente raciste ndaj gruas me ngjyrë, të cilës ia përplas tavolinën në të cilin gjendeshin ulur edhe fëmijët e saj, transmeton Telegrafi.

Derisa gruaja fillon të bërtas e tmerruar nga frika, fëmijët e saj po qëndronin të strukur duke pritur momentin kur burri i bardhë do t’i godiste. Por pas disa minutave fjalosje, stafi vazhdonte të qëndronte duke mos ndërhyrë për ta shpëtuar gruan e pambrojtur me fëmijët e saj.

E gjithë kjo ngjarje e tmerrshme raportohet të ketë ndodhur në qytetin Johannesburg të Afrikës së Jugut.

Në video mund të dëgjohet gruaja Lebohang Mabuya 33-vjeçe duke e etiketuar burrin e bardhë si “frikacak”, për faktin se ngrit dorën për ta goditur atë në prezencë të fëmijëve. /Telegrafi/