0Shares

Çdo amvisë duhet ta provojë – shpejt dhe thjesht, por shumë e shijshme, transmeton Telegrafi.

Përbërësit:

– 300 ml ujë,
– 350 g miell,
– 20 g tharm të freskët (ose 5 gra të tharë),
– 1 lugë sheqer,
– 1 lugë e vogël krip,
– 100 ml vaj dhe pak miell për t’i dhënë formën.

Përgatitja:

Në ujë të ngrohtë treteni tharmin e grimcuar dhe sheqerin – dhe përzieni.

Shtoni miellin dhe përzieni vazhdimisht. Shtoni edhe 50 ml vaj derisa jeni duke përzier. Masa duhet të jetë e rrallë.

Kur ta punoni me lugë brumin, të mos ketë droçka, shtoni pjesën e mbetur të vajit dhe që të gjitha përzieni dhe lini të bymehet 30 deri 60 minuta (duhet të dyfishohet masa).

Furrën ndizeni që të nxehet në 220 gradë, ndërkaq gjatë asaj kohe qitni miell në tavolinën e punës dhe qiteni brumin.

Me duar shtoni miell dhe jepni formë brumit, qiteni në tepsi dhe futeni në furrë që të piqet derisa të marrë ngjyrë kafe të çelët.

Bukën e pjekur mbështilleni me një leckë dhe ftoheni pak, pastaj servireni. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)