Obstruksionet e vazhdueshme të krijuara nga shteti serb kundër Republikës së Kosovës – duke filluar nga mosrespektimi i marrëveshjeve të arritura në Bruksel, muri në veri, lëshimi i fletarresteve për ish-pjesëtarët e Ushtrisë Çlirimtare të Kosovës (UÇK), pengesat në anëtarësimet në institucionet ndërkombëtare, nisja e trenit ilegal nga Beogradi në Mitrovicë… – kanë shtyrë qytetarët në një organizim unik në rrejtet sociale, ku bëhet thirrje që të bojkotohen produktet serbe.
Zëdhënësi i Doganave të Kosovës, Adriatik Stavileci, për Telegrafin thotë se vlera e importeve nga Serbia, gjate vitit 2016, ishte 389 milionë euro. Ndërkaq, duke folur për trendin e importeve fqinji verior, janari – sikurse në vitet tjera – karakterizohet me import më të ulët.
“Por, gjithsesi, trendi i importit nga Serbia mbetet i njëjtë ndër vite”, ka thënë ai.
Që nga shpallja e pavarësisë së Kosovës (viti 2008), importi i produkteve serbe në Kosovë ka shënuar rritje. Në vitet 2008-2016, Kosova ka importuar nga Serbia produkte në vlerë prej dy miliardë e 638 milionë euro.
VITI |
VLERA E IMPORTEVE |
2008 |
208,951,000 |
2009 |
210,901,000 |
2010 |
260,471,000 |
2011 |
254,917,000 |
2012 |
278,388,000 |
2013 |
258,356,000 |
2014 |
368,234,000 |
2015 |
382,129,000 |
2016 |
389,000,000 |
Këtë fushatë e mbështesin edhe politikanët, të cilët këtë iniciativë e shohin si tentim për ta mbrojtur produktin vendor.
Kryetari i Komisionit për Zhvillim Ekonomik në Kuvendin e Kosovës, Muhamet Mustafa, thotë për Telegrafin se është legjitime që të mbrohen interesat ekonomike të Kosovës, sidomos kur dihet se Serbia – me politikat e saja – po e dëmton shtetin e Kosovës. Sipas tij, eksportet e Kosovës në Serbi janë minimale (14-15 milionë në vit), për dallim nga importet nga Serbia që janë mbi 300 milionë euro.
“Ndërsa në Shqipëri, që është një treg tre herë më i vogël se Serbia, eksportet e Kosovës arrijnë në mbi 40 milionë euro në vit”, ka shtuar ai
Serbia po pengon edhe me konsolidimin e KOSTT-it dhe sistemit energjetik, siç është shfrytëzimi i e interkoneksionit 400 kV me Shqipërinë, ndaj Mustafa thotë se ajo që duhet të bëjmë është që produkteve nga Serbia t’u krijojmë konkurrencë adekuate.
“Ta furnizojmë tregun me sasi, me cilësi dhe me çmime konkurrente, po edhe me marrjen e masave tjera kundër Serbisë”, ka shtuar ai.
Deputetja e Lëvizjes Vetëvendosje (VV), Albulena Haxhiu, shprehet se tash e sa kohë subjekti i saj politik ka nisur fushatën me moton “Duaje tëndën”.
“Ne e kemi penguar disa herë hyrjen e këtyre produkteve në Kosovë, siç ishte rasti i para pesë viteve në Merdare dhe te Dheu i Bardhë. Pastaj ishin aksionet me rrotullimin e maunave me produkte serbe”, ka thënë Haxhiu për Telegrafin.
Sipas saj, masivizimi i fushatës së nisur në rrjetet sociale është i dobishëm, duke pasë parasysh prodhuesin vendor dhe dëmin ekonomik që atij i shkaktohet me importin nga Serbia. Ajo mendon se kjo fushatë mund të jetë hapi fillestar për t’i hapur rrugë zhvillimit ekonomik dhe për presion Serbisë për ta ndryshuar qasjen e saj ndaj Kosovës.
Nënkryetari i Aleancës për Ardhmërinë e Kosovës (AAK), Gazmend Abrashi, duke folur për sjelljen që duhet ta ketë Kosova përballë Serbisë dhe problemeve që po i krijon ajo për shtetin e ri, shprehet se Qeveria e Kosovës duhet të reagojë me masa ekonomike, që ta amortizojë biznesin me Serbinë dhe të stimulojë importin me vendet tjera. Sipas tij, institucionet e Kosovës duhet ta nxisin fuqizimin e ndërmarrjeve vendore – duke rritur kapacitetet prodhuese – krahas rritjes së konsumit të produkteve vendore.
“Ekonomia serbe dhe bizneset duhet të ndiejnë në ‘kuletë’ pasojat e politikës arrogante të shtetit të tyre. Të largohemi nga politikat ditore dhe të përqendrohemi që atë që e kemi fituar me luftë, mos ta humbim në paqe”, ka shkruar Abrashi.
Ndryshe, ndërhyrjet e vazhdueshme të Serbisë për destabilizimin e shtetit më të ri në Evropë, kanë bërë që shqiptarët e Kosovës të shohin mënyra dhe mundësi për revansh me thirrjet për bojkotim të produkteve që nisin me numrin 860 në barkod. Prandaj: Bojkotojini produktet e Serbisë. /Telegrafi/
Promo
Reklamo këtuLufta Prigozhin - Putin
Më shumëVera 2024 - 7 ditë pushime në Antalya duke filluar nga 328 euro
Çmimet më të mira për Ramazan në Emona Center
Kosova do të bëhet me impiant fotovoltaik diellor me kapacitet 100 MW, Murati: Projekti më i madh në rajon i këtij lloji
LINE Group ju pret në panairin më të madh në botë për dyer, dritare dhe fasada “Fensterbau Frontale” në Gjermani
Ismaili: BQK-ja do ta ketë në fokus edukimin financiar
Kosova e fundit në rajon për pagën mesatare
Zyrtari amerikan vizitë në Kosovë, “shmang” Kurtin – takohet vetëm me presidenten Osmani
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Përfito nga zbritja dhe apliko në trajnimin për Bazat e Menaxhimit të Burimeve Njerëzore
Zbulo qysh mundesh me i vesh gërshetat me ZBRITJE
Më të lexuarat
Konfirmojnë lidhjen e dashurisë - Erolld Belegu dhe Diola Dosti shfaqen më të lumtur se kurrë
Deklarimet e Vuçiqit për luftë, deputeti gjerman i reagon ashpër Borrellit e Lajçakut, po e akuzoni Kurtin pa arsye
Aeroplani supersonik që ishte më i shpejtë se Concorde
Babai i Gentian Bejtjes: Nëse djali im ka vrarë e ka prerë, i jap dorën atij që e vrau!
Premtimi i Abelard Tahirit: Nëse Kurti edhe një herë bëhet kryeministër, unë e lë mandatin e deputetit
Barcelona i përgjigjet çmimit që Man Utd i ka vënë kartonit të Greenwood