0Shares

Kontratat e naftës ranë të martën duke zgjeruar humbje e një dite më parë. Tregu energjetik reflekton tërheqjen masive dhe shitjet e aksioneve me risk. Investitorët globalë janë të shqetësuar për rezultatin e paqartë të zgjedhjeve në Itali të cilat mund të rindezin me forcë edhe krizën europiane të borxheve sovrane.

Situatë politike italiane është bashkuar me manifakturën e dobët në kinë dhe shanset e larta që shtetet e bashkuara të hyjnë në periudhën e shtrëngimit fiskal. Të gjithë elementët e mësipërm janë faktorë që reduktojnë masën e konsumit të naftës bruto.

Për pasojë nafta bruto Brent e Londrës për prillin ra 61 cent në 113.83 dollarë për fuçi. Nafta bruto amerikane për prillin ra 54 cent në 92.57 dollarë për fuçi. Në ditën e sotme trendin e naftës do të përcaktojë dhe raporti që do mbajë Ben Bernanke në kongres.

Nëse ai do të paralajmërojë tërheqje nga politika aktuale monetare nafta do të thellojë akoma më shumë humbjet. /Telegrafi/

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)