0Shares

Ekipi i inkuadruar sivjet në Serie, Benevento janë në negociata për të nënshkruar me sulmuesin e Napolit, Leonardo Pavoletti dhe mesfushorin shqiptar të Pescarës, Ledian Memushaj.

Ky do të jetë sezoni i parë i Beneventos në ligën kryesore të futbollit italian, vetëm një vit pas fillimit të përvojës së tyre në Serie B.

Sipas Sky Sport Italia, skuadra nga Napoli është në bisedime me Pescaran për mesfushorin e tyre, reprezentuesin e Shqipërisë, Memushajn.

Pescara konfirmon ofertat për Memushajn Pescara konfirmon ofertat për Memushajn

Klubi Delfini do të ishte i gatshëm ta lironte atë në huazim me detyrim për të blerë në fund të sezonit, por Benevento përballet me konkurrencë serioze nga skuadra zvicerane, FC Sion.

Ndërkohë, gazeta Il Mattino sugjeron se Benevento i është afruar edhe Napolit për qendërsulmuesin Pavoletti.

Sulmuesi italian nënshkroi nga Genoa në janar për 18 milionë euro, por nuk bëri shumë ndikim në skuadrën nga Stadio San Paolo.

Udinese, Spal, Sassuolo dhe Hellas Verona janë gjithashtu të interesuara për një huazim të Pavolettit, por paga e tij po del të jetë problem. /Telegrafi/

Të Ngjajshme
Shfaq Komentet (0)