0Shares

Sezoni 2017/18 mund të jetë fillimi i fundit i dy tresheve më të mëdha në historinë e futbollit: MSN-së dhe BBC-së.

Po flasim për Lionel Messi, Luis Suarez dhe Neymarin te Barcelona dhe Karim Benzema, Gareth Bale dhe Cristiano Ronaldo te Real Madridi.

Reali thyen rekordin historik të 2014, dhe të mendosh që ende ska përfunduar afati kalimtar veror Reali thyen rekordin historik të 2014, dhe të mendosh që ende ska përfunduar afati kalimtar veror

Dueli i tre kundër tre filloi në vitin 2014 kur Barça transferoi Luis Suarezin nga Liverpooli. Konkurrenca mes tyre ishte nga golat, asistimet, minutat dhe çdo hap kanë bërë. Ata kanë qenë të pandashëm nga trajnerët e tyre si Carlo Ancelotti, Rafa Benitez apo Zinedine Zidane te Reali, apo Luis Enrique te klubi katalunas.

Luajtën mirë apo jo, ishin në formë apo jo, ata gjithmonë ishin në fushë së bashku, çdo lënie e ndonjërit në bankën rezervë në media shndërrohej në kryetemë dhe analizohej në detaje. I vetmi ishte Zidane që në sezonin e fundit e theu akullin dhe shpesh herë për arsye teknike apo taktike theu treshen.

Por situata e BBC dhe MSN pritet të ndryshojë në sezonin e ri.

Ardhja e Kylian Mbappes te Real Madridi do të thotë se rolet do të ndryshojnë. Klubi nga Madridi me shumë mundësi do të jetë para zgjedhjeve të vështira, pasi me ardhjen e francezit duhet ndryshime në formacionet. Mbappe nuk do të blihet 180 milionë për të qëndruar në bankën rezervë, as Bale, ashtu ri Ronaldo apo Benzema. Me shumë mundësi uellsiani do të tërhiqet prapa në mesfushë dhe kjo do të thotë më pak minuta në fushë për Iscon dhe Asension. Nisur nga kjo BBC në sulm me shumë mundësi nuk do të ketë.

Çmimi i Mbappes është 180 milionë euro, por Reali nga xhepi do të nxjerrë vetëm 72 milionë (Foto) Çmimi i Mbappes është 180 milionë euro, por Reali nga xhepi do të nxjerrë vetëm 72 milionë (Foto)

Ndërsa te Barcelona MSN do të prishet jo për ndonjë ardhje, por largim. Neymar është rrugës për të Paris Saint Germani, pasi klubi francez është i gatshëm të paguajë 222 milionë euro. Një gjë është e sigurt, në rast se braziliani kalon te klubi nga Parisi, Barcelona do të ketë më të vështirë, shumë më të vështirë të rivalizojnë treshen e Realit dhe vet klubin nga kryeqyteti spanjoll. Por, nuk ka nevojë për panik të madhe, aty është Messi. /Telegrafi/

Të Ngjajshme
Shfaq Komentet (0)