Bartra mban premtimin, pasi e gjeti tifozen ‘guximtare’ ia dhuron edhe fanellën (Foto)

Marc Bartra ka mbajtur premtimin e tij për t’ia dhuruar fanellën e tij një tifozeje të Borussia Dortmundit, e cila ishte e ulur në shkallët e stadiumin e rrethuar me tifozët e Schalkes gjatë Revierderby.

Borussia Dortmund dhe Schalke janë takuar në fundjavë mes vete në ndeshjen derbi të javës në Bundesliga, ku ndeshja përfundoi me barazimit 1-1.

Ndeshja u luajt në stadiumin e Schalkes, ku në shkallët e stadiumit dominonte ngjyra e kaltër nga tifozët vendas, por një tifoze e Dortmundit ka bërë xhiron e botës.

Lexo po ashtu Bartra e kërkoi këtë tifoze trimëreshë, e gjen në rrjetet sociale - Lojtari i ka premtuar fanellën që luajti kundër Schalkes (Foto)

Kjo pasi, tifozja e Dortmundit ishte e rrethuar nga tifozët vendas, dhe kjo i ka lënë përshtypje ish-mbrojtësit të Barcelonës, Bartra, i cili ka kërkuar ta gjejnë atë vajzë dhe ky t’ia dhuroj fanellën e ndeshjes.

Pas disa kërkimeve, gjetja u realizua me sukses dhe Bartra ka takuar sot(enjte) tifozen në qendrën e trajnimit të skuadrës milionere, aty ku ia ka dhuruar fanellën dhe ka falënderuar të gjithë që mundësuan gjetjen e saj.

“Takim i madh me Steffin sot !!!! Ka qenë një kërkim i denjë dhe një kënaqësi e vërtetë! Faleminderit të gjithëve!”, ka shkruar Bartra në profilin e tij në ‘Facebook’. /Telegrafi/