Ministrja e Tregtisë dhe Industrisë, Hykmete Bajrami, ka bërë të ditur se disa kompani kanadeze janë të interesuara që t’i investojnë deri në gjysmë miliardi euro në Kosovë. Këto komente e para e Tregtisë dhe Industrisë në vend i ka bërë gjatë një debati të enjten, të organizuar nga lëvizja “Fol”.
“Kemi kompani kanadeze që janë shprehur të gatshme të investojnë deri në gjysmë miliardi euro në Kosovë dhe kërkojnë të marrin statusin e investitorit strategjik. Ne ua kemi shpjeguar mënyrën e marrjes së statusit të investitorit strategjik dhe ua kemi thënë që në momentin kur ju jeni gati, atëherë do të fillojmë me rishqyrtimin e aplikacionit, për shkak se ligji ka kritere shumë të forta, përpos minimumeve ai kërkon që nga data e marrjes së statusit të investitorit strategjik të ketë vetëm gjashtë muaj për fillimin e investimit. Me një fjalë, investitori duhet të jetë i gatshëm edhe nga aspekti financiar”, tha ministrja Bajrami.
Ajo ka bërë të ditur se edhe sa i përket klimës së biznesit ka pasur përmirësime, progres i cili vërehet edhe në raportin e Bankës Botërore.
Ministrja Bajrami ka thënë se institucioni që ajo e drejton ka ndarë edhe grante për bizneset, me qëllim të rritjes së punësimit dhe të eksportit.
“Në vitin 2015 ne i kemi dhënë disa grante. Ky ka qenë një projekt me Bashkësinë Evropiane, me ç’rast 36 ndërmarrje kanë përfituar grante të tilla. Që të gjitha prej tyre sot kanë të punësuar, domethënë kanë rritur numrin e punëtorëve. Një pjesë e mirë e tyre ka filluar eksportin dhe janë treguar si grante shumë të suksesshme. E kemi ndarë buxhetin për vitin 2017 dhe shumë shpejt do ta rifillojmë. Po ashtu kemi 150 studentë, të cilët po e kryejnë praktikën nëpër biznese të ndryshme në bashkëpunim me ne”, shtoi ajo.
Po ashtu, sipas saj, Ministria e Tregtisë dhe Industrisë ka licencuar edhe zonat ekonomike në Kosovë.
“Deri më tani kemi licencuar tetë zona ekonomike. E kemi Zonën Ekonomike në Drenas dhe Drenasin e Ri, në të cilën janë diku 70 hektarë. I kemi të licencuara dy zona ekonomike në Suharekë prej 160 hektarësh dhe ne tash vetëm do të ndajmë buxhet për investim. Kemi një park industrial në Lipjan. Kemi licencuar një zonë industriale në Viti, e kemi përfunduar investimin në zonën industriale në Shtime. Kemi investuar 200 mijë euro në zonën industriale në Mitrovicë”, tha Bajrami.
Ajo gjithashtu foli edhe për standardizimin, ku siç tha ajo është duke u provuar që standardet të merren drejtpërdrejt nga Bashkësia Evropiane. /Zëri/Telegrafi/
Lufta Prigozhin - Putin
Më shumëNga 26 Qershori, PrishtinaTicket shton dhe një destinacion të ri!
Edhe një ditë ka mbetur nga Panairi më i madh në Kosovë “Horeca”
Modë apo relaks?
Të hyra mbi 500 milionë euro, Dogana shënon rekord të ri
Shijo detin e krejt stinëve në “Holiday In 2”
Projekte të reja për zhvillimin e aftësive do të financohen nga Fondi Rajonal i Sfidave në Kosovë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën