Qytetarët nuk e kanë idenë se çfarë bëhet me taksat e tyre. Ndonëse qindra milionë euro çdo vit nga buxheti shkojnë në kontrata të institucioneve me kompanitë private, Administrata Tatimore e Kosovës (ATK) i mbanë sekret pasqyrat financiare të bizneseve që punojnë me para të shtetit.
Hulumtimet tregojnë se përafërsisht 11 mijë kontrata të tilla nënshkruhen çdo vit ndërsa asnjë nga to nuk bëhet publike edhe pse në bazë të ligjeve të zbatueshme është e drejt e secilit qytetar që të informohet lidhur me kompanitë që bëjnë biznes me shtetin.
Këto informata, sipas raportit “ S’ka tatim, pa informim” të Lëvizjes “Fol”, i posedon Drejtoria për Planifikim dhe Analiza në kuadër të ATK-së, shkruan Gazeta Fjala.
“Ndonëse kjo drejtori i posedon këto informata, ato nuk janë në dispozicion në internet për publikun në ueb-faqen e Administratës Tatimore, në ndërkohë që kjo drejtori nuk ka asnjë ueb-faqe të sajën zyrtare”, thuhet në raportin e lëvizjes “Fol”.
Mirëpo mungesa e transparencës lidhur me aktivitetin e bizneseve që përfitojnë nga fondet publike, është vetëm njëri aspekt. Kosovarët, sipas këtij raporti, nuk e kanë mundësinë të shohin nëse po paguajnë pjesën e tyre të drejtë të taksave, si dhe të sigurohen se askush në poste të larta nuk po përfiton paligjshëm nga taksat e tyre.
Në këtë raport, “Fol” ka krahasuar Kosovën me Sllovakinë sa i përket transparencës se institucioneve lidhur me taksat e qytetarëve. Në bazë të këtij raporti del se Kosova qëndron në nivelet më të ulëta sa i përket transparencës.
Raporti i Lëvizjes “Fol” tregon se Sllovakia madje ka edhe ligj për këtë punë. Atje qytetarët mund të kërkojnë dhe të marrin çfarëdo informate mbi punën e qeverisë, me përjashtim të atyre informatave që do të dëmtonin privatësinë apo interesin kombëtar.
Në vitin 2010, Sllovakia ka amandamentuar Ligjin për Lirinë e Informacionit, duke kaluar kështu nga transparenca pasive në transparencë aktive.
“Sipas ligjit të ri, Qeveria automatikisht publikon online kontratat, faturat dhe urdhrat automatikisht online, pa kërkesën e ndokujt. Për me tepër, asnjë kontratë qeveritare nuk hyn në fuqi pa u publikuar online”, thuhet në raportin e “Fol”.
Ndërkaq në Kosovë kontratat publike le që nuk publikohen online, por institucionet në shumë raste nuk e kanë bërë publike as vlerën e tyre. Në vitin 2009 Qeveria e Kosovës kishte nënshkruar kontratën më të madhe ndonjëherë për ndërtimin e autostradës “Ibrahim Rugova”. Vlera e saj reale kurrë nuk u është bërë e qartë qytetarëve.
E vetmja që dihet për këtë kontratë, sipas hulumtimit të “Fol” është ajo se kontratën e kishte fituar konsorciumi “Bechtel & Enka”.
Por nëse shikohet në Agjencinë për Regjistrimin e Bizneseve të Kosovës nuk jepen kurrfarë detajesh lidhur me ketë kompani.
“Agjencia për Regjistrimin e Bizneseve të Kosovës nuk jep kurrfarë detajesh lidhur me pronarët dhe përfituesit e Enka dhe Bechtel. Të vetmet entitete të regjistruar me këto emra kompanish janë “Bechtel International Inc C20091007-0301” dhe “Bechtel International Inc” dhe “Enka Insaat Ve Sanayi A.S.”, konstaton raporti.
Edhe sot e kësaj dite qytetarët nuk e dinë kush janë njerëzit pas këtyre korporatave të mëdha dhe ku ka shkuar i tërë fitimi i financuar nga paratë e tatimpaguesve kosovarë.
Raporti konstaton se Kosova qëndron keq edhe sa i përket transparencës lidhur me njoftimet për kontrata dhe dhënie të tyre, punë kjo që e kryen Komisioni Rregullativ i Prokurimit Publik. /Gazeta Fjala/Telegrafi/
Lufta Prigozhin - Putin
Më shumëAgjencia e Ushqimit del me sqarime lidhur me cilësinë e mishit në Kosovë
Fitoni dhurata ekskluzive nga Samsung në foleja.com
3, 2, 1 - Volvo gati për ty!
Prishtina nikoqire e “AI Startup” – Kampit Rajonal të Inteligjencës Artificiale
Nesër mbahet shitja e 65-të aseteve e Agjencisë Kosovare të Privatizimit
Veç thuj ej, EI Taxi është knej
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj