Anglezët së shpejti me taksë ditore për veturat që e ndotin ajrin

Taksat ditore për ndotje nga veturat e vjetra me naftë mund të prezantohen së shpejti në 35 qytete të Britanisë së Madhe, me kosto që arrin deri në 29 funta në ditë.

Kjo taksë nuk do të aplikohet për veturat e reja diesel me EURO VI (nga viti prodhimi 2015 e më pas) të cilat i kanë emetimet minimale në ambient.

Kjo është një përpjekje e re e autoriteteve britanike për të zbutur nivelet e larta të oksideve të nitrogjenit – që shkaktohen kryesisht nga makinat e gjeneratave më të vjetra të veturave që punojnë me naftë.

The Sunday Times raporton se veturat e tilla mund të ndalohen për qarkullim në orët më të zëna të trafikut, në rajonet më të ndotura.

Zonat ku konsiderohen këto rregulla të reja përfshijnë Londrën, Birmingamin, Leedsin, Notingamin dhe Derbin. Kështu, rreth 10 milionë vetura më të vjetra me naftë mund të preken nga ligji i ri.

Kjo masë do të aplikohet sidomos për faktin se në tregun britanik mundësitë për blerjen e veturës së re janë shumë të përshtatshme. Por edhe në tregun tonë, tashmë ka oferta të cilat ua mundësojnë blerësve të blejnë veturë të re me 7 vite garancion me çmime që fillojnë prej 3990 euro, me para kesh, si dhe opsione të pagesës së pjesës së mbetur me këste, pa kamatë. /Telegrafi/