Anëtarësimi i Malit të Zi në Aleancën Veri-Atlantike do të ndihmonte në stabilizimin e rajonit dhe po ashtu do të tregonte që gjërat kanë filluar të lëvizin në drejtim të duhur, u tha të enjten në konferencën e organizuar nga Friedrich Ebert Stiftung dhe Shoqata e Malazezëve të Kosovës me temën “NATO dhe Ballkani Perëndimor: Ndikimi në sigurinë rajonale i anëtarësimit të Malit të Zi”.
Kryetari i Shoqatës së Malazezëve në Kosovë, Slobodan Vujiçiq, tha se anëtarësimi i Malit të Zi në NATO do të ndikonte në stabilizimin e rajonit. Ai, ndër të tjera, tha se shpreson që shumë shpejt Kuvendi i Kosovës do të marrë vendim për ratifikimin e marrëveshjes për kufirin me Malin e Zi.
“Dua të theksoj se ne kosovarët duhet të kemi kujdes kur kemi të bëjmë me marrëveshjen për demarkacionin e kufirit me Malin e Zi, sepse ratifikimi i marrëveshjes është kusht esencial i marrëdhënieve të mira fqinjësore dhe të partneritetit strategjik me anëtaren e ardhshme të NATO-s, por edhe me 28 anëtarët e tjerë që përfaqësojnë Aleancën e NATO-s. I bindur në pjekurinë politike të deputetëve të Kosovës pres që ratifikimi i marrëveshjes së demarkacionit të kufirit me Malin e Zi do të miratohet në një afat sa më të shkurtër”, tha ai.
Ndërsa Aleksander Dedoviq nga një qendër studimore në Mal të Zi, tha se anëtarësimin e këtij vendi në NATO e përkrahin 53 për qind e banorëve të këtij shteti.
Nga ana e tij, Wulf Lapins, drejtor i FES në Kosovë, tha se misioni i NATO-s në rajon nuk mund të arrihet pa një reformë të thellë euroatlantike për sa i përket shteteve të Ballkanit.
“Aleanca është duke bërë një angazhim me të gjitha shtetet në rajon, të cilat e shohin NATO-në si ofrues të sigurisë, stabilitetit dhe një mekanizëm të vlerësimit të përzgjedhjeve të veta të vështira politike. Misioni i NATO-s në rajon nuk mund të arrihet pa reforma të thella euroatlantike për sa i përket shteteve të Ballkanit Perëndimor. Në këtë kontekst është një realitet i vështirë për përmbushjen e kërkesave të NATO-së që të shpenzohet 2 për qind e GDP-së për çështje të mbrojtjes gjatë dhjetë viteve të ardhshme”, tha ai.
Ndërkohë, drejtori i institutit KIPRED, Lulzim Peci, tha se anëtarësimi në NATO varet prej momentit politik dhe rrethanave gjeopolitike dhe gjeostrategjike.
“Kriteret që duhet të përmbushen mirëpo edhe përmbushja e kritereve nuk e garanton hyrjen në NATO, mirëpo ka këtu edhe një gjë tjetër që nganjëherë edhe kriteret nuk mbushen dhe hyhet në NATO. Do të thotë hyrja në NATO nuk është e domosdoshme që të përmbushen kriteret, por varet prej momentit politik dhe rrethanave gjeopolitike dhe gjeostrategjike, të cilat mund ta shtyjnë Aleancën në veprim edhe të përshpejtojë disa hapa, të cilat në pamje të parë duken si sureale që do të jenë larg, mirëpo nëse ballafaqohet me një rrezik të madh i tërë ky proces mund të shkojë me shpejtësi, nuk po them marramendëse, por me një shpejtësi shumë të madhe”, tha ai.
Po ashtu, ai tha se me anëtarësimin e Malit të Zi në NATO, u vihet dryni kufijve të shteteve në rajon, gjë që sipas tij nuk lë vend për ndryshim të tyre.
Ndërsa, ekspertja e çështjeve të sigurisë, Besa Kabashi-Ramaj, tha se anëtarësimi i Malit të Zi në NATO është një faktor stabilizues në rajon.
“Anëtarësimi në NATO është faktor stabilizues në rajon, por megjithatë koncepti i sigurisë kombëtare në vendet tona përfshinë disa elemente, përfshinë aftësinë tonë për të krijuar një stabilitet të brendshëm, për t’iu ofruar qytetarëve tonë siguri njerëzore dhe siguri shoqërore. Për me ju ofrua një mundësi që me u ndje pjesë e një identiteti shtetërorë, por edhe evropian, për me ju zvogëlua mundësinë që ata me pas kriza të identitetit, të cilat nuk i shërbejnë pozitivisht zhvillimit të vendit”, tha ajo.
Po ashtu, sipas saj anëtarësimi i Malit të Zi në NATO do të dëshmonte që gjërat kanë filluar të lëvizin në drejtimin e duhur.
Lufta Prigozhin - Putin
Më shumëBE-ja mbështet Serbinë për muri - nëse e pengon Kosovën në organizatat ndërkombëtare, do t'i bllokohet procesi i anëtarësimit
Macron ia konfirmon Kurtit mbështetjen për Kosovën në KiE - kërkon formimin e Asociacionit
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Zgjidhen dekanët e rinj në 14 fakultete të Universitetit të Prishtinës
Osmani: Drafti i statutit të Asociacionit do të dërgohet në Gjykatën Kushtetuese
"Nënat e Srebrenicës" falënderojnë presidenten Osmani: Një fjalim i tillë do të mbahet mend ndër breza
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj