LAJMI I FUNDIT:

Ambasadori Kiçmari akreditohet ambasador jorezident në Republikën e Vanuatus

Ambasadori Kiçmari akreditohet ambasador jorezident në Republikën e Vanuatus

Ambasadori i Republikës së Kosovës, Sabri Kiçmari i ka dorëzuar letrën kredenciale Presidentit të Republikës së Vanuatus, Obed Moses Talles, përmes të cilës ai është akredituar si Ambasador jorezident në këtë shtet.

Në fjalën e tij në aktin e dorëzimit të letrës krendenciale, ambasadori Kiçmari i ka përcjellë përshëndetjet e Presidentit të Kosovës, Hashim Thaçi për presidentin Talles, duke e falënderuar për mbështetjen që Republika e Vanuatus i ka dhënë Kosovës, përmes njohjes në vitin 2010 dhe duke votuar pro pranimit të Kosovës në UNESCO në vitin 2015.

Ndër të tjera, ambasadori Kiçmari ka deklaruar se edhe pse dy vendet gjenden larg njëri-tjetrit në rrafshin gjeografik, ndajnë vlera të përbashkëta për paqen, bashkëpunimin dhe mirëqenien në botë.

Presidenti Moses Tallis i ka shprehur një mirëseardhje ambasadorit Kiçmari në emër të Qeverisë dhe popullit të Republikës së Vanuatus, duke e falënderuar për angazhimin e tij për thellimin e marrëdhënieve në mes të dy vendeve, ai ka deklaruar se “Republika e Vanuatus do të jetë në mbështetje të integrimit të Republikës së Kosovës në organizatat dhe strukturat ndërkombëtare”.

Të njëjtë ditë me ambasadorin Kiçmari është akredituar edhe ambasadorja e Gjermanisë, rezidente në Canberra të Australisë.

Gjatë vizitës së tij në Port Vila Ambasadori Kiçmari pritet të zhvillojë takime edhe me kryeministrin në detyrë, ministrin e Jashtëm dhe dekanin e Korit Diplomatik në Port Vila./Telegrafi/

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori