Alves fitoi trofeun e 32-të në karrierë, por janë dy që kanë më shumë se ai (Foto)

Daniel Alves po përjeton një rini të dytë te Juventusi, sidomos në këtë fundsezoni ku së bashku me bashkëlojtarët e tij është nisur drejt trofeve të rëndësishëm 

Alves kundër Lazios në finale fitoi trofeun e 32 në karrierë.

I pari në listë, edhe pse duket pak e çuditshme, është mbrojtësi i majtë i PSG-së, Maxwell.

Braziliani ka pasur një karrierë të pasur, ku ka fituar shumë trofe kudo që ka luajtur, duke nisur nga një Kupë Brazili në vitin 2000, e për të vazhduar më pas me Ajaxin në Holandë, me Interin në Itali, Evropë dhe botë.

Të njëjtën gjë e vazhdoi edhe me Barcelonën.

Ai aktualisht është te PSG ku edhe aty nuk ka mbetur keq, duke tubuar në total 36 trofe.

Pas tij është legjenda e Manchester United, Ryan Giggs, i cili të gjithë historinë e tij e ka të ndërtuar me fanellën e kuqe.

Ai ka fituar plot 35 trofe, duke bërë që karrierës së tij të mos i mungojë asgjë.

Në vend e tretë është Daniel Alvesi, së bashku me Zlatan Ibrahimovic.

Por suedezit nga 32 trofe i mungon kryesori ai i Ligës e Kampionëve.

Ai sivjet mund të triumfojë në Ligën e Evropës, duke qenë në finale me ish-skuadrën e tij, Ajaxin. /Telegrafi/