0Shares

Fernando Alonso rikthehet në SHBA për të rimarrë drejtimin e një makine IndyCar në kuadër të përgatitjeve për garën ‘Indianapolis 500’ që do të zhvillohet në 28 maj.

Piloti spanjoll që nuk do të jetë i pranishëm në Çmimin e Madh të Monacos në Formula 1, e la Barcelonën menjëherë pas përfundimit të garës ku u rendit në vendin e 12, për të qenë në provat e zhvilluara në Brickyard.

Në përfundim të provave të para, Fernando Alonso regjistroi shpejtësinë 357 km/h, një rezultat ky mjaft i mirë për një pilot debutues në garën e ‘Indianapolis 500’.

Alonso, që do të garojë më skuadrën ‘Andretti Autosport’, në sesionin e dytë të provave regjistroi një shpejtësi prej rreth 359 km/orë duke u renditur në vendin e 19 mes 32 pilotëve pjesëmarrës, transmeton TCh.

Ai që rezultoi më i shpejti në pistë ishte shoku i skuadrës së Alonsos, Marco Andreti që shënoi një shpejtësi prej 364.2 km/h i ndjekur nga neozelandezi Scott Dixon, ndërsa i treti ishte Ed Carpenter, fitues i 2 pole position në garën e Indianapolis 500.

Ajo që të bën përshtypje është se ndërsa në Formula 1, Honda po vuan shumë, në provat e garës së Indianapolis, kjo kompani ishte dominuese, pasi 8 prej 10 makinave të para në këto prova furnizohen me motorë prej saj.

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)