LAJMI I FUNDIT:

AAK lëshon takimin për reformën zgjedhore

AAK lëshon takimin për reformën zgjedhore

Këshilltari i Ramush Haradinajt, Avni Arifi, ka lëshuar takimin e liderëve të reformës zgjedhore pasi që ka konsideruar se ky takim është një takim jo formal dhe takim së koti.

-->

Ai ka thënë se nuk është e nevojshme që të mbahen takime të tilla të këtij lloji, por çështje të tilla të diskutohen në Kuvendin e Kosovës.

Edhe sekretari i Aleancës për Ardhmërinë e Kosovës (AAK), Burim Ramadani tha se arsyeja pse ka Avni Arifi ka lëshuar takimin e liderëve të reformës zgjedhore është se ka konsideruar se ky takim është një takim jo formal dhe takim së koti, duke shtuar se kjo nuk nënkupton se AAK-ja nuk po largohet prej reformës zgjedhore.

Ai tha se që disa herë po zhvillohen takime, por vetëm dy vendime janë marrë.

“Qasja duhet me u kthy në Kuvend, jo me bo fushat, krejt partitë tjera po bëjnë fushatë. Hyjnë në mbledhje dhe nuk thonë asgjë, ndërsa në konferencë për media pastaj flasin”, tha Ramadani.