A duhet që shtatzëna të konsumojë patjetër mish?

Disa gra nuk hanë mish për arsye të ndryshme, disa ruhen nga kolesteroli, disa janë kundër therjes së kafshëve për ta hëngër mishin e tyre, kurse disa tjera thjesht nuk e pëlqejnë shijen e mishit.

Dr. Memli Morina, mr. sci
gjinekolog – obstetër
tel. 045 725 725

Tash kur jeni shtatzënë (ose nëse planifikoni një shtatzëni) mund të bëheni merak se a duhet të hajë patjetër mish. A është rrezik nëse nuk hani mish? Përgjigja është jo!

Ju mund të jeni vegjetariane dhe prapëseprapë të merrni krejt proteinat, vitaminat, mineralet dhe materiet tjera ushqyese për të cilat trupi juaj ka nevojë.

Nuk keni nevojë ta komplikoni mënyrën tuaj të të ushqyerit, vetëm keni kujdes që të hani mjaftueshëm fruta, perime dhe drithëra. Përpiquni të hani shpesh dhe në sasi të vogla.

Nëse hani ushqim të shumëllojshëm vegjetarian, ju do t’i merrni të gjitha materiet ushqyese të cilat janë të nevojshme.

Ushqimet e pasura me proteina si vezët dhe arrat kanë poashtu edhe hekur. Qumështi, djathi dhe jogurti kanë kalcium.

Ka shumë rëndësi që merrni me ushqim sasi të mjaftueshme të proteinave, hekurit dhe kalciumit.

Përpiquni që të mos pini shumë çaj dhe kafe, sepse kanë tanina dhe polifenole të cilat e vështirësojnë përthithjen e hekurit i cili gjendet në perime. Megjithatë, nëse hani ushqime ose pini lëngje të cilat kanë vitaminë C (si psh brokoli ose lëngu i portokallit) përthithja e hekurit lehtësohet.

Ndoshta mund të keni nevojë që të merrni suplemente shtesë, por duhet të konsultoheni paraprakisht me mjekun tuaj.

Në yndyrën e peshkut ka acide yndyrore omega-3 të cilat ndihmojnë zhvillimin e trurit dhe të syve të bebes. Acidet yndyrore omega-3 gjenden në shumë pak perime, prandaj nëse nuk e hani fare peshkun duhet të merrni multivitamina që kanë yndyrë peshku.

Keni kujdes dhe kontrolloni a ka vitaminë A, sepse kjo e dëmton beben. /Telegrafi/